باغ(کشمیر ڈیجیٹل) کشمیری شاعر اور پی ٹی آئی پروپیگنڈا مہم کے سربراہ احمد فرہاد کو باغ سے 16 ایم پی او کے تحت گرفتار کر لیا گیا۔
ذرائع کے مطابق احمد فرہاد نےاس وقت وہ کالعدم قرار دی گئی عوامی ایکشن کمیٹی کے رہنمائوں سے ملاقاتیں کررہے تھے ۔
مزید یہ بھی پڑھیں:شوکت نواز میر، عمر نذیر اور امان ادریس کی بھارتی سہولت کار سے خفیہ کال پکڑی گئی،نئی منصوبہ بندی کا انکشاف
کشمیری شاعر احمد فرہاد نے عبوری ضمانت حاصل کر رکھی تھی اور وہ عبوری ضمانت پر تھے۔ احمد فرہاد کو 16ایم پی او کے تحت باغ پولیس نے گرفتارکرلیا۔
مزید یہ بھی پڑھیں:اسلام آباد، پشاور اور پاکستان کے مختلف علاقوں میں زلزلے کے جھٹکے
پولیس ذرائع کے مطابق احمد فرہاد لوگوں کو ریاست کے خلاف اکساتے ہوئے پائے گئے ۔ جبکہ ان کی گاڑی سے جدید اسلحہ بھی برآمد کرلیا گیا ۔
تحریک انصاف (پی ٹی آئی) کی سوشل میڈیا مہم کے سرگرم کارکن اور کشمیری شاعر احمد فرہاد کو پولیس نے باغ سے 16 ایم پی او (نقصِ امن کا قانون) کے تحت گرفتار کر لیا ہے۔
پولیس ذرائع کے مطابق گرفتاری کے وقت وہ مبینہ طور پر ریاستی اداروں کے خلاف اکسانے اور امن و امان کی صورتحال کو خراب کرنے کی سرگرمیوں میں ملوث پائے گئے۔
ذرائع کا کہنا ہے کہ احمد فرہاد نے عدالت سے عبوری ضمانت حاصل کر رکھی تھی، تاہم ریاست مخالف سرگرمیوں اور امنِ عامہ کے پیشِ نظر باغ پولیس نے انہیں 16 ایم پی او کے تحت حراست میں لیا۔
پولیس ذرائع کے مطابق احمد فرہاد گرفتاری کے وقت کالعدم قرار دی گئی عوامی ایکشن کمیٹی کے رہنماؤں سے خفیہ ملاقاتیں کر رہے تھے۔
تلاشی کے دوران ان کی گاڑی سے جدید ترین ممنوعہ اسلحہ بھی برآمد ہوا ہے، جس پر پولیس مزید قانونی کارروائی کر رہی ہے۔
تحقیقاتی ذرائع کا یہ بھی دعویٰ ہے کہ خطے میں امن و امان کی صورتحال کو سبوتاژ کرنے کے لیے ایک نئی منصوبہ بندی کی جا رہی تھی۔
اس سلسلے میں شوکت نواز میر، عمر نذیر اور امان ادریس کی ایک بھارتی سہولت کار کے ساتھ خفیہ کال بھی پکڑی گئی ہے،
جس میں ریاست مخالف نئی منصوبہ بندی کا انکشاف ہوا ہے۔ احمد فرہاد کی ان رہنماؤں سے ملاقات اسی کڑی کا حصہ بتائی جا رہی ہے۔
پولیس نے احمد فرہاد کو حراست میں لے کر نامعلوم مقام پر منتقل کر دیا ہے جہاں ان سے برآمد ہونے والے اسلحے اور دیگر رہنماؤں کے ساتھ رابطوں کے حوالے سے مزید تفتیش کی جا رہی ہے۔
