گوادر اور بلوچستان کے دیگر علاقوں میں بدامنی، ہنگامہ آرائی اور سیکیورٹی فورسز پر حملوں کے مقدمات میں روز بروز نئے اور سنسنی خیز انکشافات سامنے آ رہے ہیں۔
آزادڈیجیٹل کی تازہ ترین رپورٹ کے مطابق گوادر احتجاج کے دوران سیکیورٹی فورسز کے جوان سپاہی شبیر احمد شہید پر وحشیانہ پتھراؤ کرنے اور ان کی شہادت کا سبب بننے والے اہم ملزم صبغت اللہ نے اپنے اہلخانہ کے ذریعے رحم کی اپیل دائر کر دی ہے۔
ملزم کے اس اقدام اور اعترافِ جرم نے تحریک کی آڑ میں قانون ہاتھ میں لینے والے ماسٹر مائنڈز کو قانون کے کٹہرے میں بے نقاب کر دیا ہے۔
مزید یہ بھی پڑھیں:پی ٹی آئی سوشل میڈیا کے مشہور انتشاری احمد فرہاد باغ سے گرفتار ، جدید اسلحہ برآمد
حکام کے مطابق ملزم صبغت اللہ نے رحم کی اپیل میں یہ مؤقف اختیار کیا ہے کہ وہ معصوم ہے اور اس کا ذاتی طور پر کوئی قصور نہیں ہے۔
ملزم کا کہنا ہے کہ اسے بلوچ یکجہتی کمیٹی کی مرکزی رکن ماہ رنگ لانگو کی جانب سے براہِ راست احکامات اور ہدایات دی گئی تھیں، جن پر عمل کرتے ہوئے اس نے سیکیورٹی اہلکاروں پر پتھراؤ کیا۔
بریکنگ اپڈیٹ🚨🚨:
سمی دین بلوچ کا تازہ بیان سوشل میڈیا پر وائرل،
“اگر ماہرنگ کو عمر قید ہوگئی ہے، تو اس سے ہماری تحریک کو کوئی فرق نہیں پڑے گا۔ ہمارے پاس متبادل قیادت موجود ہے۔ تحریکیں کسی فرد واحد کی محتاج نہیں ہوتیں۔ ہم اب خود BYC چلائیں گے۔” https://t.co/SDlrqOI0sj
— Azaad Urdu (@azaad_urdu) June 22, 2026
ملزم نے شبیر بلوچ شہید کے اہل خانہ اور عدالت سے استدعا کی ہے کہ اسے گمراہ کر کے اس کارروائی کے لیے استعمال کیا گیا، لہٰذا اس کی کم عقلی یا لاعلمی کو مدنظر رکھتے ہوئے اس کے ساتھ نرمی کا برتاؤ کیا جائے۔
مزید یہ بھی پڑھیں:شوکت نواز میر، عمر نذیر اور امان ادریس کی بھارتی سہولت کار سے خفیہ کال پکڑی گئی،نئی منصوبہ بندی کا انکشاف
قانون نافذ کرنے والے اداروں کے مطابق یہ اعتراف اس بات کا واضح ثبوت ہے کہ احتجاج کی آڑ میں نوجوانوں کو ڈھال بنا کر سیکیورٹی فورسز پر حملوں کیلئے منظم طریقے سے اُکسایا جاتا تھا۔
ماہ رنگ کی سزا پر عوامی اطمینان اور آزاد ڈیجیٹل کی رپورٹ
دوسری جانب ‘آزاد ڈیجیٹل’ کے بلوچستان میں موجود نامہ نگاروں اور سینیئر تجزیہ کاروں کی رپورٹ کے مطابق ماہ رنگ کو عدالت کی طرف سے ملنے والی سزا کے بعد صوبے کے امن پسند عوام میں قانون کی حکمرانی اور بالادستی کے متعلق گہرا اطمینان پیدا ہوا ہے۔
آزادڈیجیٹل رپورٹ کے مطابق عام شہریوں کا ماننا ہے کہ قانون سے بالاتر کوئی نہیں ہے اور کسی کو بھی حقوق کی آڑ میں وردی پوش جوانوں کے قتل یا بدامنی پھیلانے کی اجازت نہیں دی جا سکتی۔ اس عدالتی فیصلے کو بلوچستان میں دیرپا امن کے لیے ایک سنگِ میل قرار دیا جا رہا ہے۔
مقامی بلوچ یکجہتی کونسل میں خوشی اور بیرونی فنڈنگ کی جنگ
آزاد ڈیجیٹل رپورٹ کے مطابق اس سزا کے بعد مقامی سطح پر کام کرنے والی ’بلوچ یکجہتی کونسل‘ کی قیادت میں اندرونی طور پر خوشی کی لہر دوڑ گئی ہے۔
آزاد ڈیجیٹل رپورٹ میں کہا گیا ہے کہ ماہ رنگ کے منظرنامے سے ہٹنے کے بعد اب مقامی قیادت اس آس پر بیٹھی ہے کہ بیرونِ ملک سے آنے والی بھاری فنڈنگ کے منہ اب ان کی طرف موڑ دیے جائیں گے۔
یہ صورتحال ظاہر کرتی ہے کہ بظاہر نظر آنے والی تحریکوں کے پیچھے اصل محرکات ذاتی مفادات اور بیرونی فنڈز کا حصول ہیں، جس کے لیے معصوم نوجوانوں کا مستقبل داؤ پر لگا دیا جاتا ہے۔
