پاکستان کے خلاف 3 ٹیسٹ میچز کی سیریز کے پہلے 2 ٹیسٹ میچز کے لیے انگلینڈ نے 16 رکنی اسکواڈ کا اعلان کر دیا۔
انگلینڈ کرکٹ بورڈ نے پاکستان کے خلاف تین ٹیسٹ میچوں کی سیریز کے پہلے دو مقابلوں کے لیے 16 رکنی اسکواڈ کا اعلان کر دیا ہے۔
یہ بھی پڑھیں:دوسرا ٹیسٹ : پاکستان نے ویسٹ انڈیز کو 8 وکٹوں سے شکست دے دی
پاکستان اور انگلینڈ کی ٹیموں کے درمیان 3 ٹیسٹ میچز کی سیریز کا پہلا ٹیسٹ 19 اگست سے لیڈز میں شروع ہو گا ۔
بین اسٹوکس کی ریٹائرمنٹ کے بعد تجربہ کار بلے باز جو روٹ کو ایک بار پھر انگلش ٹیسٹ ٹیم کی قیادت سونپ دی گئی ہے۔
روٹ پاکستان کے خلاف سیریز میں کپتان کی حیثیت سے ٹیم کی قیادت کریں گے، جبکہ انگلینڈ کی نظریں ہوم گراؤنڈ پر کامیاب آغاز کرنے پر مرکوز ہیں۔
اسکواڈ میں ڈین لارنس، اولی پوپ، برائیڈن کارس اور سیم کک کی واپسی ہوئی ہےجبکہ نوجوان آل راؤنڈر جیکب بیتھل دائیں گھٹنے کی انجری کے باعث سیریز کے پہلے دو ٹیسٹ میچوں سے باہر ہو گئے ہیں۔
2 ٹیسٹ میچز کیلئے 16 رکنی انگلش اسکواڈ میں کپتان جو روٹ ، جوفرا آرچر، گس اٹکنسن ، شعیب بشیر، ہیری بروک ، برائیڈن کارس ، سیم کک ، جارڈن کوکس ، بین ڈکٹ ، میتھیو فشر ، ایمیلیوگے ، ڈین لارنس، اولی پوپ ، اولی رابنسن، جیمی سمتھ اور جوش ٹونگ شامل ہیں۔
یہ بھی پڑھیں:ایشین گیمز،ہاکی مقابلوں کا شیڈول جاری،پاکستان کو مضبوط حریفوں کا سامنا
پاکستان اور انگلینڈ کے درمیان ٹیسٹ سیریز کو عالمی ٹیسٹ چیمپئن شپ کے تناظر میں بھی اہم قرار دیا جا رہا ہے۔ دونوں ٹیمیں سیریز میں کامیابی حاصل کرکے قیمتی پوائنٹس اپنے نام کرنے کی کوشش کریں گی۔
شائقین کو توقع ہے کہ دونوں مضبوط ٹیموں کے درمیان دلچسپ اور سنسنی خیز مقابلے دیکھنے کو ملیں گے، خصوصاً جو روٹ، ہیری بروک اور جوفرا آرچر جیسے تجربہ کار کھلاڑیوں کی موجودگی انگلینڈ کی طاقت میں اضافہ کرے گی، جبکہ پاکستانی ٹیم بھی سخت مقابلے کے لیے تیار ہے۔
