اسلام آباد(کشمیر ڈیجیٹل)این ڈی ایم اے نے پیشگوئی کرتے ہوئے کہا کہ آزادکشمیر، گلگت بلتستان میں بارش، پہاڑوں پر برفباری جبکہ ملک بھر میں خشک اور سرد موسم برقرار رہنے کا امکان ہے۔
این ڈی ایم نے پیشگوئی کی ہے کہ مغربی ہواؤں کے نئے سلسلے کے باعث بالائی علاقوں میں ہلکی بارش اور برفباری متوقع ہے۔
آزادکشمیر و گلگت بلتستان میں 6 نومبر تک مطلع ابر آلود اور سرد موسم کا امکان ہے۔
حویلی ،باغ، نیلم ویلی، مظفرآباد ،استور، اسکردو، ہنزہ کے پہاڑی علاقوں میں ہلکی بارش، برفباری متوقع ہے۔
پنجاب میں 8 نومبر تک خشک موسم کے ساتھ دھند، اسموگ رہنے کا امکان ہے۔
این ڈی ایم اے کے مطابق بلوچستان میں 8 نومبر تک موسم خشک، 6 نومبر کو بالائی علاقوں میں مطلع ابر آلود رہنے کی توقع ہے۔
سندھ میں 8 نومنبر تک موسم خشک رہنے کا امکان ہے، خیبرپختونخوا میں مجموعی طور پر خشک موسم اور سرد رہنے کی توقع ہے۔
3 اور 4 نومبر کو چترال، دیر، مالاکنڈ، ایبٹ آباد، مانسہرہ میں ہلکی بارش، برفباری متوقع ہے
مزید یہ بھی پڑھیں:فوج سیاست میں الجھنا نہیں چاہتی،سیاست سے دور رکھا جائے، ڈی جی آئی ایس پی آر
