واشنگٹن( ) امریکی صدر ڈونلڈ ٹرمپ نے ایران کے ساتھ کسی بھی نئے معاہدے کے امکان کو مسترد کرتے ہوئے دوٹوک اعلان کیا ہے کہ اب امریکا کو ایران کے ساتھ معاہدے کی کوئی ضرورت نہیں۔
امریکا کے پاس پہلے ہی ایران کے سیکڑوں ارب ڈالر اور آبنائے ہرمز موجود ہے، ڈیموکریٹس کے زیرانتظام ریاستوں میں بدانتظامی اور بڑے پیمانے پر کرپشن کے الزامات عائد کرتے ہوئے نائب صدرکو تحقیقات کی ہدایت کردی۔
امریکی صدر ڈونلڈ ٹرمپ نے اپنے تازہ بیان میں ایران کے ساتھ مذاکرات اور ممکنہ معاہدے کے حوالے سے سخت مؤقف اختیار کرتے ہوئے واضح کیا ہے کہ موجودہ صورتحال میں امریکا کو تہران کے ساتھ کسی ڈیل کی ضرورت محسوس نہیں ہوتی۔
یہ بھی پڑھیں : ایران جنگ، امریکاکی71 فیصد عوام نے مخالفت کردی، ٹرمپ کیلئے نیا چیلنج
ٹرمپ کے اس بیان کو ایران کے ساتھ جاری کشیدگی اور دونوں ممالک کے درمیان تعلقات کے تناظر میں اہم قرار دیا جا رہا ہے، کیونکہ امریکی صدر اس سے قبل بھی ایران کے معاملے پر سخت مؤقف اور دباؤ کی پالیسی کا اظہار کرتے رہے ہیں۔
صدر ٹرمپ نے دعویٰ کیا کہ امریکا کے پاس ایران کے سیکڑوں ارب ڈالر اور آبنائے ہرمز موجود ہے، اس لیے واشنگٹن کو تہران کے ساتھ معاہدے کے لیے کسی جلد بازی یا اضافی پیش رفت کی ضرورت نہیں۔ بیان میں آبنائے ہرمز کا ذکر خصوصی اہمیت رکھتا ہے
ہ یہ عالمی تجارت اور توانائی کی ترسیل کے حوالے سے دنیا کی اہم ترین بحری گزرگاہوں میں شمار ہوتی ہے۔اس گزرگاہ کی اہمیت کے باعث اس سے متعلق کسی بھی امریکی یا ایرانی مؤقف کو عالمی سطح پر غیر معمولی توجہ حاصل ہوتی ہے۔
امریکی صدر نے داخلی سیاسی معاملات پر بھی ڈیموکریٹس کو شدید تنقید کا نشانہ بنایا اور الزام عائد کیا کہ ڈیموکریٹس کے زیرانتظام ریاستیں بدانتظامی اور کرپشن کا شکار ہیں۔
یہ بھی پڑھیں : ترکیہ کے صدر اردوان کا ٹرمپ سے رابطہ، ایران امریکا کشیدگی پر اہم گفتگو
انہوں نے خصوصی طور پر منی سوٹا، کیلیفورنیا اور الینوائے کا نام لیتے ہوئے دعویٰ کیا کہ ان ریاستوں میں بڑے پیمانے پر بدعنوانی ہو رہی ہے۔ٹرمپ نے ان الزامات کے تناظر میں نائب صدرکو تحقیقات کی ہدایت بھی دی ہے۔
پیش رفت کو امریکی سیاست میں ریپبلکن اور ڈیموکریٹ جماعتوں کے درمیان جاری سیاسی محاذ آرائی کے حوالے سے اہم قرار دیا جا رہا ہے۔
صدر ٹرمپ کے اس اقدام سے ڈیموکریٹس کے زیرانتظام شہری حکومتوں اور وفاقی انتظامیہ کے درمیان سیاسی تناؤ میں مزید اضافے کا امکان ہے۔
