امریکی صدر ڈونلڈ ٹرمپ نے میڈیا سے گفتگو میں مڈٹرم انتخابات، ایران جنگ اور اسرائیل جانے والے مسافر طیارے کے واقعے پر اہم بیانات دئیے ہیں۔
ڈیموکریٹس کی کامیابی سے مہنگائی کا خدشہ
امریکی صدر ڈونلڈ ٹرمپ نے دعویٰ کیا ہے کہ اگر ڈیموکریٹس مڈٹرم انتخابات جیت گئے تو امریکا میں مہنگائی کا نیا طوفان آئے گا۔
مزید یہ بھی پڑھیں:ایران پر پابندیوں کے خاتمے کی رپورٹ مسترد، ٹرمپ امریکی میڈیا پر بڑس بڑے
ٹرمپ نے میڈیا سے گفتگو کرتے ہوئے کہا کہ وہ اپنی معاشی کارکردگی کے پیغام کو مؤثر انداز میں عوام تک نہ پہنچانے کا بھی اعتراف کرتے ہیں۔
ایران کی معاشی صورتحال پر ٹرمپ کا تبصرہ
ٹرمپ نے ایران کی موجودہ معاشی صورتحال پر بھی سخت تبصرہ کیا۔ انہوں نے دعویٰ کیا کہ ایرانی معیشت تباہ ہو چکی ہے اور ایرانی قیادت اقتدار کیلئے باہمی کشمکش میں مصروف ہے۔
امریکا اور ایران کے درمیان رابطے جاری
امریکی صدر نے کہا کہ امریکی حکام ایران کے معاملے پر ثالثوں کے ذریعے رابطوں میں ہیں۔ تازہ صورتحال میں قطر کی ثالثی سے امریکا اور ایران کے درمیان سفارتی رابطے بھی جاری رہے ہیں۔
ایران کے معاملے پر بڑی پیشرفت کی اُمید
ٹرمپ نے ایران کے معاملے پر آئندہ چند دنوں میں بڑی پیشرفت کی امید بھی ظاہر کی۔ امریکی صدر کی جانب سے اس سے قبل بھی ایران جنگ کے جلد خاتمے اور مذاکرات کے حوالے سے مثبت اشارے دیے گئے ہیں۔
اسرائیل جانے والی پرواز کا واقعہ
میڈیا گفتگو میں اسرائیل جانے والے مسافر طیارے کے واقعے کا معاملہ بھی اہم رہا۔ دبئی سے تل ابیب جانے والی فلائی دبئی کی پرواز میں دورانِ پرواز پائلٹ پر حملہ کیا گیا۔
مسافروں نے حملہ آور پائلٹ کو قابو کرلیا
واقعے کے بعد طیارہ تیزی سے بلندی کھونے لگا اور مسافروں میں خوف پھیل گیا۔ مسافروں اور عملے کے ارکان نے کاک پٹ میں داخل ہو کر حملہ آور پائلٹ کو قابو کیا۔
طیارے کو سعودی عرب کے شہر تبوک میں ہنگامی لینڈنگ کرنا پڑی۔ رپورٹس کے مطابق زخمی کپتان نے حملے کے باوجود صورتحال کو سنبھالنے میں اہم کردار ادا کیا۔ مسافروں اور عملے کی مداخلت سے طیارے کو مزید تباہی سے بچایا گیا۔
برطانوی فوجی اڈے کے قریب واقعہ
برطانیہ میں امریکی استعمال کے فوجی اڈے RAF Fairford کے قریب پیش آنے والے واقعے پر بھی تحقیقات جاری ہیں۔
پانچ افراد گرفتار
برطانوی حکام کے مطابق پانچ افراد کو گرفتار کیا گیا تھا۔ برطانوی وزیر داخلہ اینڈی برنہم نے کہا ہے کہ اس واقعے میں ایران کے ملوث ہونے کے مضبوط اشارے موجود ہیں۔
تحقیقات جاری، مزید تفصیلات سامنے نہ آسکیں
برطانوی حکام کے مطابق واقعے کی تحقیقات جاری ہیں، جس کے باعث فی الحال مزید تفصیلات سامنے نہیں لائی گئیں۔
مزید یہ بھی پڑھیں:شرائط امریکا کے حوالے کردیں،ٹرمپ فیصلہ کرنے کے قابل نہیں،محسن رضائی
