آمنہ بلوچ سبکدوش، عاصم افتخار پاکستان کے نئے سیکرٹری خارجہ مقرر، نوٹیفیکیشن جاری

تازہ ترین, کشمیر ڈیجیٹل / / By

اسلام آباد(کشمیر ڈیجیٹل)پاکستان کی 33 ویں سیکرٹری خارجہ آمنہ بلوچ مدت ملازمت سے سبکدوش،عاصم افتخار نئے سیکرٹری خارجہ تعینات کردیئے۔

وزیراعظم پاکستان شہبازشریف نے اقوام متحدہ میں پاکستانی مندوب عاصم افتخار احمد کو نئے سیکرٹری خارجہ تعیناتی کی منظوری دیدی۔

سیکرٹری خارجہ آمنہ بلوچ تین دہائیوں پر محیط ممتاز کیرئیر اور 11 ستمبر 2024 سے سیکرٹری خارجہ کے طور پر مدت ملازمت سے17ستمبر 2026 کو سبکدوش ہو جائیں گی۔

مزید یہ بھی پڑھیں:وزیراعظم شہباز شریف سے افتخار گیلانی کی اہم ملاقات، ریاستی مسائل حل پر اتفاق

وزیرخارجہ اسحاق ڈار نے سماجی رابطوں کی ویب سائٹ ایکس پر لکھا کہ وہ آمنہ بلوچ کی سفارتی تاریخ میں وزارت خارجہ میں ان کی خدمات اور قیادت کو سراہتے ہیں۔

انہوں نے کہا کہ سیکرٹری خارجہ آمنہ بلوچ اپنے پیچھے عوامی خدمت کی میراث چھوڑ کر جارہی ہیں اور ان کے ساتھ ہماری نیک تمنائیں ہیں۔

وزیرخارجہ اسحاق ڈار نے آمنہ بلوچ کی ریٹائرمنٹ کے بعد نئی جاب کے حوالے سے خوشخبری سناتے ہوئے کہا کہ وہ ترکی میں بطور سفیر ذمہ داریاں سنبھالیں گی۔

انہوں نے کہا کہ مجھے یقین ہے کہ وہ اس نئے کردار میں امتیاز کے ساتھ پاکستان کی خدمت کرتی رہیں گی۔

وزیرخارجہ اسحاق ڈار نے کہا کہ مجھے یہ اعلان کرتے ہوئے خوشی ہو رہی ہے کہ سفیر عاصم افتخار احمد پاکستان کے اگلے سیکرٹری خارجہ ہوں گے۔

مزید یہ بھی پڑھین:ن لیگی رہنما سردار اعجاز خان سدوزئی کا نام فورتھ شیڈول میں شامل

انہوں نے اس امید کا اظہار کیا کہ عاصم افتخار کی قیادت میں دفتر خارجہ پاکستان کے مفادات کو واضح، پیشہ ورانہ مہارت اور مقصد کے ساتھ آگے بڑھاتا رہے گا۔

Must Read