پاکستان اور عالمی مارکیٹ میں سونے کی قیمتوں میں دو روز کی کمی کے بعد ایک بار پھر بڑا اضافہ ریکارڈ کیا گیا ہے۔
آل پاکستان صرافہ ایسوسی ایشن کے مطابق ملک بھر میں 24 قیراط فی تولہ سونے کی قیمت میں 1000 روپے کا اضافہ ہوا ہے، جس کے بعد نئی قیمت 4 لاکھ 27 ہزار 436 روپے فی تولہ ہو گئی ہے۔
مقامی مارکیٹ میں 10 گرام سونے اور چاندی کے نرخ:
مقامی صرافہ بازار میں اسی طرح 10 گرام سونے کی قیمت میں بھی 857 روپے کا اضافہ ریکارڈ کیا گیا ہے، جس کے بعد 10 گرام سونا 3 لاکھ 66 ہزار 457 روپے کا ہو گیا ہے۔ دوسری جانب چاندی کی قیمت میں کمی دیکھی گئی ہے، جہاں فی تولہ چاندی 76 روپے سستی ہو کر 6 ہزار 215 روپے کی سطح پر آ گئی ہے۔
یہ بھی پڑھیں: سونے کی قیمت میں نمایاں کمی: فی تولہ سونا ہزاروں روپے سستا ہو گیا
عالمی منڈی کی صورتحال اور ماہرین کی رائے:
عالمی مارکیٹ میں بھی سونے کی قیمت میں اضافہ ہوا ہے، جہاں فی اونس قیمت 10 ڈالر بڑھ کر 4050 ڈالر تک پہنچ گئی ہے۔ ماہرین کے مطابق عالمی مارکیٹ میں سونے کی قیمتوں میں اتار چڑھاؤ کا اثر مقامی مارکیٹ پر بھی براہِ راست پڑتا ہے۔
