بلوچستان کے ضلع کیچ میں مسلح جنگجوؤں کی جانب سے اغوا کیے گئے 6 غیر مقامی مزدوروں کو فتنة الہندوستان کے سفاک دہشت گردوں نے قتل کر دیا ہے، جس کی تصدیق سرکاری رپورٹس میں کی گئی ہے۔
ان مزدوروں کو 27 جولائی 2026ء کو ضلع کیچ کے علاقے کلاتک، سورگ بازار، ڈگری کاہان سے اس وقت اغوا کیا گیا تھا جب حملے کے دوران صوابی سے تعلق رکھنے والے ایک مزدور کو فائرنگ کر کے قتل کر دیا گیا تھا۔ حکام کا کہنا ہے کہ اغوا کیے گئے مزدوروں کی لاشیں بعد میں برآمد ہوئیں جنہیں ان کے اغوا کاروں نے بدترین سفاکی کے ساتھ قتل کر دیا تھا۔
یہ بھی پڑھیںِ:بلوچستان: دہشتگردوں کیخلاف گھیرا تنگ، 6 واصل جہنم،متعدد گرفتار،بھاری اسلحہ برآمد
مقتول مزدوروں کی شناخت اور تعلق:
مقتولین میں پنجاب سے تعلق رکھنے والے 4 مزدور شامل ہیں، جن میں لودھراں کے محمد ارشد، بہاولپور کے محمد تیمور، بہاولپور کے محمد پرویز اور بہاولپور کے ہی محمد وزیر شامل ہیں۔ ان کے علاوہ خیبر پختونخوا سے تعلق رکھنے والے 2 مزدور بھی مقتولین میں شامل ہیں جن میں سلالہ بازار کے محمد امجد اور صوابی سے تعلق رکھنے والے محمد یحیٰی شامل ہیں۔
ترقیاتی منصوبوں پر کام اور ماضی کا واقعہ:
یہ تمام مقتول مزدور بلوچستان میں مختلف ترقیاتی منصوبوں پر روزگار کے سلسلے میں ملوث تھے، جہاں وہ انفراسٹرکچر اور تعمیراتی سرگرمیوں پر کام کر رہے تھے۔ یہ افسوسناک واقعہ بلوچستان کے علاقے مشکيل میں پنجاب سے تعلق رکھنے والے 5 مزدوروں کے قتل کے کچھ ہی دنوں بعد پیش آیا ہے، جس نے صوبے بھر میں ترقیاتی منصوبوں پر کام کرنے والے مزدوروں کی سیکیورٹی کے حوالے سے نئی تشویش پیدا کر دی ہے۔
تحقیقات اور حکام کا شدید ردعمل
سیکیورٹی فورسز نے تازہ ترین واقعے اور حملے کی تحقیقات کا باقاعدہ آغاز کر دیا ہے، جبکہ حکام نے نہتے مزدوروں کے اس قتل کی شدید مذمت کرتے ہوئے اسے شہریوں اور بلوچستان کی ترقی کے لیے کی جانے والی کوششوں کو نشانہ بنانے والی دہشت گردی کی پیش قدمی قرار دیا ہے۔
