بغاوت ،پرتشدد کارروائیاں اوراسلحہ کا کھلا استعمال، کالعدم جوائنٹ ایکشن کمیٹی کی اصل حقیقت کھل کر سامنے آچکی ہےآزاد جموں وکشمیر پولیس نے پرتشدد کارروائیوں کیلئے اسلحہ لے جانے والے انتشاری کمیٹی کےعناصر کو گرفتارکر لیا ۔
پولیس ذرائع کے مطابق ترساواسے کوٹلی اسلحہ لے جانے والے کالعدم انتشاری کمیٹی کے کارندوں کو ناکے پر رنگے ہاتھوں گرفتارکیا گیاگرفتارافراد نےانکشاف کیا کہ وہ انتشاری کمیٹی کے شرپسند سرغنہ امتیازاسلم کیلئے کام کر رہے تھے ۔
مزید یہ بھی پڑھیں:سہنسہ ، درجنوں خاندانوں کا کالعدم ایکشن کمیٹی سے لاتعلقی کا اعلان
پولیس ذرائع کے مطابق کالعدم کمیٹی کے گرفتارشرپسند نے کہا کہ کالعدم جوائنٹ ایکشن کمیٹی کا حکم تھا کہ جوبندہ کوٹلی سے دھرنے میں آئےگا وہ اپنے ساتھ اسلحہ لازمی لائے گاہم 3 سال سےکالعدم ایکشن کمیٹی کے رکن ہیں لیکن اب میرا اس انتشاری کمیٹی سے کوئی تعلق نہیں، گرفتارفرد نے کہا کہ کالعدم ایکشن کمیٹی نوجوانوں کو آٹا، چینی اوربجلی کے نام پر گمراہ کررہی ہے جبکہ ان کے مقاصد کچھ اور ہیں۔
مزید یہ بھی پڑھیں:جیو نیوز لائسنس معطل ،ملک بھر میں کیبل آپریٹرز فوری طور پر چینل بند کر دیں،پیمرا
گرفتار شرپسند کا کہنا تھا کہ دھرنے میں جتنے بھی لوگ ہیں ان میں سے سب کے پاس چھوٹا،بڑا اسلحہ موجود ہے، عوامی حقوق کے نام پر انتشار پھیلانے والی کالعدم ایکشن کمیٹی کا مذموم ایجنڈا اب کھل کر عوام کے سامنے آ چکا ہے مذموم عزائم سامنے آنے کے بعد عوام بیرونی ایماء پر چلنے والی اس انتشاری تحریک کو مکمل طور پر مسترد کر چکے ہیں۔
