اسلام آباد: وزیر اعظم شہباز شریف نے کہا ہےکہ جنیوا میں امریکا اور ایران کے درمیان معاہدے کی تقریب کی میزبانی پاکستان کرے گا۔
قومی اسمبلی میں اظہار خیال کرتے ہوئے وزیراعظم نے کہا کہ جنگ کی تاریک رات کے بعد امن کا سورج طلوع ہوگیا ہے، امریکا اور ایران نے تمام محاذوں پر فوجی کارروائی کے مستقل خاتمے کا اعلان کردیا ہے، فریقین نے مشکلات حالات میں صبر، تحمل اور دانشمندی کا دامن نہیں چھوڑا۔
یہ بھی پڑھیں:ایرانی میڈیا تہران اور واشنگٹن معاہدہ کے 14نکات سامنے لے آیا
وزیراعظم نے کہا کہ امریکا اور ایران کے درمیان جنیوا میں ہونے والی امن معاہدے کی تقریب کی میزبانی پاکستان کرے گا، پاکستان سمیت پوری عالمی دنیا کو اس پر مبارکباد پیش کرتا ہوں۔
شہباز شریف نے کہا کہ پارٹی قیادت، اپنی پارٹی کے لیڈر نواز شریف کا بھی تہہ دل سے شکر گزار ہوں جن کی رہنمائی مجھے ہر وقت میسر ہے، صدر مملکت آصف زرداری اور چیئرمین بلاول بھٹو زرداری اور تمام پارٹی کے سربراہوں کومبارکباد دیتا ہوں۔
یہ صرف دو ممالک کے درمیان معاہدہ نہیں بلکہ یہ امن اور مکالمے کی فتح ہے، یہ سفارتکاری کی کامیابی ہے اور جنگ کی تباہی ہے۔
وزیراعظم کا کہنا تھا کہ اس معزز ایوان کے حوالے سے امریکا کے صدر ٹرمپ ، ایران کے سپریم لیڈر مجتبیٰ خامنہ ای، ایرانی صدر اور امن عمل میں شریک دونوں ٹیمز کے تمام ممبران کو مبارکباد دیتاہوں۔
یہ بھی پڑھیں:ایران امریکہ معاہدہ ، عالمی مارکیٹ میں تیل کی قیمتوں میں بڑی کمی
فریقین نے مشکل حالات میں تدبر ، دانش اور صبر کا ہاتھ نہ چھوڑا، مذاکرات کے نازک، کٹھن اور صبرآزما عمل میں قطرکے امیرکے بھرپور تعاون کو خراج تحسین پیش کرتاہوں۔
انہوں نے کہا کہ قطر کے امیر نے انتہائی مثبت کردار ادا کیا، سعودی ولی عہد محمد بن سلمان اور ترکیے کے صدرکی دور اندیش قیادت اوربھرپورتعاون کا بھی شکرگزارہوں۔
