مظفرآباد: چیف سیکرٹری آزاد کشمیر خوشحال خان نے حلقہ ایل اے-27 کے مختلف پولنگ اسٹیشنز کا تفصیلی دورہ کیا ہے۔ دورے کے دوران چیف سیکرٹری نے پولنگ کے مجموعی انتظامات، سیکیورٹی کی صورتحال اور ووٹرز کے لیے فراہم کی جانے والی سہولیات کا جائزہ لیا۔
چیف سیکرٹری خوشحال خان نے موقع پر موجود پولنگ عملے سے انتخابی انتظامات کے حوالے سے بریفنگ حاصل کی۔ اس کے ساتھ ساتھ انہوں نے وہاں موجود ووٹرز سے بھی بالمشافہ ملاقات کی اور انتخابی عمل میں دی جانے والی سہولیات سے متعلق ان سے دریافت کیا۔
یہ بھی پڑھیں:نیلم: سابق وزیراعظم تنویر الیاس کا قافلہ لینڈ سلائیڈنگ کی زد میں آ گیا، 2 گاڑیاں لاپتا
اعلیٰ حکام کی ہمراہی اور انتظامی ہدایات:
اس اہم دورے کے موقع پر سیکرٹری سروسز، کمشنر مظفرآباد، ڈی آئی جی پولیس اور ڈپٹی کمشنر بھی چیف سیکرٹری خوشحال خان کے ہمراہ موجود تھے۔
چیف سیکرٹری نے تمام متعلقہ انتظامیہ اور پولیس حکام کو علاقے میں امن و امان برقرار رکھنے، سیکیورٹی کے فول پروف اقدامات یقینی بنانے اور انتخابی ضابطہ اخلاق پر سختی سے عملدرآمد کروانے کی صریح ہدایت جاری کی ہے۔ واضح رہے کہ تمام پولنگ اسٹیشنز پر پولنگ کا عمل آج شام 5 بجے تک بغیر کسی وقفے کے جاری رہے گا۔
