امریکی فوج نے ایران کیخلاف مزید حملوں کا آغاز کر دیا، ایرانی میڈیا کے مطابق جنوبی شہر بندر عباس میں متعدد دھماکوں کی آوازیں سنی گئی ہیں ۔
امریکی سینٹرل کمانڈ (سینٹکام) نے سوشل میڈیا پلیٹ فارم ایکس پراپنے بیان میں کہا ہے کہ امریکی افواج نے ایران کے خلاف نئی کارروائیاں شروع کر دی ہیں۔
مزید یہ بھی پڑھیں:امریکا کے ایران پر حملے،جزیرہ سیریک ، قشم اور بندرعباس میں دھماکوں کی اطلاعات
بیان کے مطابق ان حملوں کا مقصد ایران کی اس صلاحیت کو مزید کمزور کرنا ہے جس کے ذریعے وہ آبنائے ہرمز سے گزرنے والے شہری اور تجارتی بحری جہازوں کو نشانہ بنا سکتا ہے۔
At 5 p.m. ET today, U.S. Central Command forces began launching more strikes against Iran to continue degrading their ability to attack civilian mariners and commercial ships freely transiting the Strait of Hormuz. The Commander in Chief has directed the strikes to hold Iranian…
— U.S. Central Command (@CENTCOM) July 12, 2026
سینٹکام کا کہنا ہے کہ امریکی کمانڈر اِن چیف کی ہدایت پر یہ حملے کیے جا رہے ہیں تاکہ ایرانی افواج کو ان کے اقدامات پر جواب دہ ٹھہرایا جا سکے اور خطے میں بین الاقوامی بحری نقل و حمل کے تحفظ کو یقینی بنایا جا سکے۔
دوسری جانب ایرانی میڈیا نے اپنی رپورٹ میں کہا ہے کہ ایران کے جنوبی ساحلی شہر بندر عباس میں کئی دھماکوں کی آوازیں سنی گئی ہیں۔
مزید یہ بھی پڑھیں:امریکا کے ایران پر حملے، مختلف شہر دھماکوں سے گونج اٹھے
تاہم دھماکوں کی نوعیت، ہدف یا ممکنہ جانی و مالی نقصان کے حوالے سے فوری طور پر کوئی سرکاری تفصیلات جاری نہیں کی گئیں۔
