آئی سی سی ویمنز ٹی20 ورلڈ کپ کے پہلے سیمی فائنل میں آسٹریلیا نے ویسٹ انڈیز کو 8 وکٹوں سے شکست دے کر فائنل کے لیے کوالیفائی کرلیا ہے۔
لندن کے اوول گراؤنڈ میں کھیلے گئے میچ میں ویسٹ انڈیز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 125 رنز بنائے۔
یہ بھی پڑھیں: ویمن ٹی 20ورلڈکپ، آسٹریلیا سے شکست،بھارت سیمی فائنل کی دوڑ سے باہرہو گیا
ویسٹ انڈیز کی جانب سے کپتان ہیلی میتھیوز 30، ڈیانڈرا ڈوٹن 26 ناٹ آؤٹ، شی مین کیمبل 22 اور کیانا جوزف 16 رنز کے ساتھ نمایاں رہیں۔
آسٹریلیا کی جانب سے ایشلے گارڈنر اور سوفی مولینوکس نے 2، 2 جبکہ جارجیا ویئرہم نے بھی 2 وکٹیں حاصل کیں۔
126 رنز کے ہدف کے تعاقب میں آسٹریلیا نے صرف 13 اوورز میں 2 وکٹوں کے نقصان پر مطلوبہ اسکور حاصل کرلیا۔
بیتھ مونی نے شاندار ناقابل شکست 61 رنز بنائے، جبکہ ایشلے گارڈنر نے 35 رنز کی جارحانہ اننگز کھیل کر ٹیم کو فتح دلائی۔ جارجیا وول 16 رنز بنا کر آؤٹ ہوئیں، جبکہ ایلیس پیری انجری کے باعث ریٹائرڈ ہرٹ ہوگئیں۔
یہ بھی پڑھیں: مراکش نے نیدرلینڈز کو فیفا ورلڈ کپ 2026 سے باہر کر دیا: سائیباری کے سنسنی خیز اسپاٹ کک نےتاریخ رقم کر دی
ویسٹ انڈیز کی جانب سے چینیل ہینری اور ہیلی میتھیوز نے ایک، ایک وکٹ حاصل کی۔
آسٹریلیا کی آل راؤنڈر ایشلے گارڈنر کو 35 ناٹ آؤٹ رنز بنانے اور 2 وکٹیں لینے پر پلیئر آف دی میچ قرار دیا گیا۔
