تہران(کشمیر ڈیجیٹل)پاکستان کی بڑی سفارتی کامیابی، ایران نے لبنان میں جنگ بندی کے بعد آبنائے ہرمز کھولنے کا اعلان کردیا۔
ایرانی وزیرخارجہ عباس عراقچی کا کہنا تھا کہ جنگ بندی کے تمام دنوں میں آبنائے ہرمز کھلا رہے گا۔
ایرانی وزیرخارجہ عباس عراقچی نے سماجی رابطوں کی ویب سائٹ ایکس پر پوسٹ کرتےہوئے لکھا کہ لبنان میں جنگ بندی کے بعد آبنائے ہرمز کھولنے کا فیصلہ کیا ہے ۔
یاد رہے کہ گزشتہ دنوں فیلڈ مارشل سید عاصم منیر نے بھی ایران کا دورہ کیا تھا جس میں مشرق وسطیٰ میں کشیدگی، لبنان جنگ، آبنائے ہرمز کے کھولنے کے حوالے سے اہم ایشوز زیر غور لائے گئے ۔
In line with the ceasefire in Lebanon, the passage for all commercial vessels through Strait of Hormuz is declared completely open for the remaining period of ceasefire, on the coordinated route as already announced by Ports and Maritime Organisation of the Islamic Rep. of Iran.
— Seyed Abbas Araghchi (@araghchi) April 17, 2026
ایرانی وزیرخارجہ کا کہنا تھا کہ تمام تجارتی جہازوں کے گزرنے کو جنگ بندی کی بقیہ مدت کیلئے مکمل طور پر کھلا قرار دیا گیا ہے جیسا کہ اسلامی جمہوریہ ایران کی بندرگاہوں اور میری ٹائم آرگنائزیشن نے پہلے ہی اعلان کیا ہے۔
