اسلام آباد (کشمیر ڈیجیٹل) پاکستان کی مسلح افواج نے26 فروری کو افغانستان کی طرف سے شروع کی گئی جارحیت کے جواب میں 2 مارچ 2026 کو پاک افغان سرحد کیساتھ ساتھ منتخب سیکٹرز میں متعدد پوسٹوں کو نشانہ بنایا ہے اور 10بڑے حملے کئے ہیں۔
سکیورٹی ذرائع کے مطابق دن بھر مختلف سیکٹرز میں بھاری ہتھیاروں کی فائرنگ سے افغان طالبان کی 6 اضافی چوکیاں تباہ ہوگئیں۔
یہ بھی پڑھیں: افغان عوام سے کوئی اختلاف نہیں،ہماری کارروائیاں دہشتگردوں کیخلاف ہیں،سینئر اعلیٰ سکیورٹی عہدیدار
سکیورٹی ذرائع کے مطابق شمالی وزیرستان کے زنڈا سیکٹر میںطالبان نے فورسز کو تیار کرنے کی کوشش کی جسے موثر فائرنگ سے ناکام بنا دیا گیا۔
سکیورٹی ذرائع کا کہنا ہے کہ افغان طالبان کی طرف سے چھوٹے ہتھیاروں سے فائرنگ کی کوششیں کی گئیں تاہم ان کو بھی موثر مارٹر، ٹینک اور توپ خانے کے فائر سے بے اثر کر دیا گیا۔
“مزید یہ کہ دہشت گردوں کے شکار اور فوجی انفراسٹرکچر کی تباہی کے لیے مختلف گہرائی والے مقامات پر دس فضائی حملے کیے گئے۔
تصدیق شدہ اطلاعات کے مطابق، ٹی ٹی اے اور خارجیوں کا مزید جانی نقصان ہوا ہے، تاہم پورے محاذ پر پاک سکیورٹی فورسز کا کوئی جانی نقصان نہیں ہوا۔
یہ بھی پڑھیں: فیلڈ مارشل کو دنیا ویسے ہی فائٹر نہیں کہتی، یہ بات کلیئر ہے کہ کیسے جواب دینا ہے ،سکیورٹی ذرائع
ذرائع کے مطابق چترال سیکٹر میںافغان طالبان کی جانب سے علاقے کے عمائدین کے ذریعے افغان طالبان کی پانچ لاشوں کی واپسی کے لیے فلیگ میٹنگ کی درخواست موصول ہوئی ہے جنہیں وہ 26 اور 27 فروری کی درمیانی شب پاکستانی مسلح افواج نے ہلاک کیا تھا ور طالبان لاشیں چھوڑ کر فرار ہو گئے تھے۔
ذرائع کا مزید کہنا ہے کہ فرنٹ کے ساتھ ساتھ کئی مقامات پر افغان فورسز نے اپنی پوسٹوں پر سفید جھنڈے لہرا دیے ہیں جن میں کشیدگی کم کرنے اور مزید لڑائی پر آمادگی ظاہر کی گئی ہے۔
ژوب سیکٹر میں گھڈوانہ انکلیو (32 مربع کلومیٹر کا رقبہ) پاکستان کے قبضے میں ہے اور اس سیکٹر میں قریبی ٹی ٹی اے پوسٹیں زیادہ تر سفید جھنڈے کے ساتھ خالی ہیں۔
پاکستان کی طرف سے افغانستان کی پوسٹوں پرکئے گئے قبضہ کے بعد بھاری مشینری سے 7 کلومیٹر طویل خندق کھودی گئی ہے تاکہ افغانستان کے 32 مربع کلومیٹر کے قبضہ شدہ علاقے کو مضبوط کیا جا سکے۔
یہ بھی پڑھیں: افواج پاکستان کا خوف،افغان طالبان قیادت بامیان فرار ہوگئی،سکیورٹی ذرائع
دریں اثناء وفاقی وزیر اطلاعات عطااللہ تارڑ نے آپریشن غضب للحق کی تفصیلات جاری کردی ہیں،26 فروری سے جاری آپریشن میں 458طالبان ہلاک اور700زخمی ہو چکے ہیں۔
پاک فوج نے بھارتی پراکسی کی 202پوسٹیںتباہ اور 33پر قبضہ کر لیاہے،196ٹینک، اے پی سی گاڑیاں بھی تباہ کردی ہیں اور 56 مقامات کو فضائی کارروائی سے نشانہ بنایا گیا ہے۔
