مظفرآباد( کشمیر ڈیجیٹل) حکومت اور عوام کے درمیان فاصلے مٹ گئے، وزیراعظم افتخار گیلانی سے وزیراعظم ہاؤس میں سینکڑوں افراد کی ملاقات۔
وزیراعظم افتخار گیلانی کو عوام کی جانب سے صبح سے شام تک مبارکبادیں، پھول اور دعائیں۔ شہری وزیراعظم کو اپنے درمیان پا کر خوش۔ وزیراعظم کو اپنے مسائل سے آگاہ کیا۔
مزید یہ بھی پڑھیں:وزیراعظم آزاد کشمیر بیرسٹر افتخار گیلانی کی لاری اڈے اور سبزی منڈی کی منتقلی کی ہدایت، شہریوں کا ردِعمل
اتوار کے روز مظفرآباد شہر کی تمام یونین کونسلز سمیت آزادکشمیر کے مختلف علاقوں سے آنے والے وفود جن میں نوجوان اور خواتین بھی شامل تھیں ۔
وزیراعظم افتخار گیلانی سے ملنے وزیراعظم ہاوس پہنچتے رہے۔ عوامی وفود نے وزیراعظم کو منصب سنبھالنے پر مبارکبادپیش کی اور اپنے اپنے علاقے کے مسائل کی نشاندہی کی۔
عوامی وفود سے گفتگو کرتے ہوئے وزیراعظم افتخار گیلانی نے کہا کہ ہماری حکومت کی ترجیحات کا مرکز عام آدمی ہے۔
عوام کو درپیش مسائل کا جائزہ لیکر ان کوحل کرنے کا پلان مرتب کرکے اس پر عمل رآمد یقینی بنائیں گے۔
مزید یہ بھی پڑھیں:وزیراعظم آزاد کشمیر افتخار گیلانی اور دیگر رہنماؤں کی موجودگی میں ڈاکٹر نجیب نقی کے کاغذاتِ نامزدگی جمع
انہوں نے کہا کہ حکومت کی توجہ ایسی تعمیر و ترقی پر مرکوز ہے جس کا براہِ راست فائدہ عام شہری کو پہنچے اور لوگوں کو بنیادی سہولیات کے حصول کیلئے بار بار دروازے نہ کھٹکھٹانے پڑیں۔
