آزاد کشمیر میں بیرسٹر افتخار گیلانی سے متعلق سوشل میڈیا پر گردش کرنے والی خبروں کو قریبی ذرائع نے مکمل طور پر بے بنیاد اور من گھڑت قرار دے دیا ہے۔ ذرائع کے مطابق مسلم لیگ ن کے قائد نواز شریف سے ملاقات کی غرض سے انہیں لاہور طلب کیے جانے کی افواہوں میں کوئی سچائی نہیں ہے۔
ذرائع نے اس بات کی تصدیق کی ہے کہ بیرسٹر افتخار گیلانی اس وقت اسلام آباد میں ہی موجود ہیں۔ وہ مسلم لیگ ن آزاد کشمیر کی جانب سے ٹیکنوکریٹ کی نشست پر نامزد امیدوار ہیں اور انتخابی عمل کے سلسلے میں اپنی سرگرمیاں جاری رکھے ہوئے ہیں۔
یہ بھی پڑھیں: بیرسٹر افتخار گیلانی… میراثِ خدمت سے قیادت تک
ٹیکنوکریٹ نشست اور انتخابی عمل:
قریبی ذرائع کا کہنا ہے کہ سوشل میڈیا پر پھیلائی جانے والی من گھڑت رپورٹس کا حقیقت سے کوئی تعلق نہیں ہے۔ مسلم لیگ ن آزاد کشمیر کی اس اہم ٹیکنوکریٹ نشست کا انتخاب 24 اگست کو منعقد ہونا طے پایا ہے، جس کے لیے وہ اسلام آباد میں رہتے ہوئے تمام تر تیاریوں اور امور کی دیکھ بھال کر رہے ہیں۔
