کراچی (کشمیر ڈیجیٹل)پاکستان میں سونے کی قیمت میں ایک بار پھر ہزاروں روپے کا اضافہ ہوگیا ۔جس کے بعد صارفین سرپکڑ کر رہ گئے ۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 13 ہزار 700 روپے اضافے کے بعد 4 لاکھ 71 ہزار 936 روپے پر پہنچ گئی ۔
اسی طرح دس گرام سونا 11 ہزار 746 روپے اضافے کے بعد 4 لاکھ 4 ہزار 609 روپے کا ہوگیا ہے۔
مزید یہ بھی پڑھیں:سونے کی قیمت میں بڑی کمی: فی تولہ سونا 3,700 روپے سستا ہو گیا
عالمی مارکیٹ میں بھی سونے کی قیمت میں اضافے کا رجحان رہا، سونا 137 ڈالر اضافے کے بعد فی اونس 4495 ڈالر کا ہوگیا ہے۔
فی تولہ چاندی کی قیمت بھی 369 روپے اضافے سے 7169 روپے ہوگئی ہے۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
مزید یہ بھی پڑھیں:عمران خان کی آج الشفاء ہسپتال منتقلی کا امکان،سکیورٹی انتظامات مکمل
اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔ جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
