متحدہ عرب امارات( یو اے ای) میں پاکستانی سفارت خانے نے پاسپورٹ پراسیسنگ سروس عارضی طور پر معطل کر دی ہے جس کے نتیجے میں شہریوں کو پاسپورٹ خدمات کے حصول میں مشکلات کا سامنا ہے۔
متحدہ عرب امارات میں پاکستان کے سفارت خانے نے بدھ کے روز تکنیکی مسائل اور معمول کے مرمتی امور کے باعث پاسپورٹ کے اجراء کو معطل کرنے کی تصدیق کی ہے۔
یہ بھی پڑھیں: یو اے ای میں عید الاضحٰی پر کتنے دن کی چھٹیاں ملیں گی؟
سفارت خانے کی جانب سے سماجی رابطے کی ویب سائٹ ’ایکس‘ پر جاری بیان میں کہا گیا ہے کہ بیرون ملک مقیم پاکستانی شہری اپنے پاسپورٹ کے لیے آن لائن درخواست کا طریقہ استعمال کریں یا مزید ہدایات کا انتظار کریں۔
— Pakistan Embassy UAE (@PakinUAE_) April 29, 2026
بیان میں مزید کہا گیا ہے کہ سروس بحال ہوتے ہی آگاہ کر دیا جائے گا تاکہ شہری غیر یقینی صورت حال کا شکار ہونے کے بجائے بروقت معلومات حاصل کر سکیں۔
یہ بھی پڑھیں: ٹرمپ کا امارتی ہم منصب کو فون،یو اے ای امریکا سے اربوں ڈالر کا دفاعی نظام خریدے گا
اس سے قبل ابوظہبی میں پاکستانی سفارت خانے نے ایک اعلان میں بتایا تھا کہ یکم مئی کو مزدور ڈے کے موقع پر دفاتر بند رہیں گےجبکہ معمول کی سرگرمیاں 4 مئی کو دوبارہ بحال ہوجائیں گی۔
یاد رہے متحدہ عرب امارات( یو اے ای) میں 18لاکھ سے زائد پاکستانی مقیم ہیں جو مختلف شہبوں میں خدمات سرانجام دے رہے ہیں، کچھ عرصہ سے پاکستانیوں کے ویزہ مسائل سے متعلق بھی شکایات آ رہی ہیں۔
