استنبول مذاکرات،پاکستان اور افغان طالبان جنگ بندی جاری رکھنے پر متفق

کشمیر ڈیجیٹل / / By

پاکستان اور افغانستان کے ترکیہ اور قطر کی ثالثی میں استنبول میں ہونیوالے مذاکرات میں بڑی پیشرفت ہوئی ہے اور دونوں فریق جنگ بندی پر متفق ہو گئے ہیں جس کا مشترکہ اعلامیہ جاری کردیا گیا ہے۔

ترک دفتر خارجہ کی جانب سے جاری بیان کے مطابق ترکیہ اور قطر کی ثالثی میں پاکستان اورافغانستان نے 25 سے 30 اکتوبر 2025 تک استنبول میں مذاکرات کئے جس کا مقصد جنگ بندی کو مستحکم کرنا تھا۔

ترک وزارت خارجہ کے مطابق پاکستان اور افغانستان نے 18اور19اکتوبر 2025 کو دوحہ میں ترکیہ اور قطر کی ثالثی میں جنگ بندی جاری پر اتفاق کیا تھا جس کر جاری رکھنے پر اتفاق کیا گیا ہے۔

بیان میں کہا گیا ہے کہ جنگ بندی نفاذ کے مزید طریقوں پر 6 نومبر 2025 کو استنبول میں پرنسپل سطح کے اجلاس میں تبادلہ خیال اور فیصلہ کیا جائے گا۔

یہ بھی پڑھیں: ثالثین کی درخواست پر پاکستان کا افغان طالبان سے مذاکراتی عمل دوبارہ شروع کرنے پر اتفاق

فریقین نے جنگ بندی پر عمل درآمد یقینی بنانے کے لیے نگرانی اور تصدیق کا ایک مشترکہ نظام تشکیل دینے پر بھی اتفاق کیا ہے جو کسی بھی خلاف ورزی کی صورت میں ذمہ دار فریق پر جرمانہ عائد کرنے کا اختیار رکھے گا۔

اعلامیے کے مطابق ثالث ممالک ترکی اور قطر نے دونوں فریقوں کے مثبت کردار کو سراہا ہے اور کہا ہے کہ وہ خطے میں  امن و استحکام کے لیے اپنے تعاون کو جاری رکھیں گے۔

یاد رہے کہ 4روز مذاکرات ناکام ہو گئے تھے جس پر پاکستانی وفد واپس روانہ ہو رہا تھاتو افغان طالبان مذاکرات پر رضامند ہوئے اور مذاکرات کامیاب ہوگئے۔

 

Must Read

Scroll to Top