زرداری، شہبازشریف ملاقات، پی ٹی آئی سے مذاکرات ، مشترکہ کمیٹی تشکیل

تازہ ترین, کشمیر ڈیجیٹل / / By

اسلام آباد(کشمیر ڈیجیٹل)صدرمملکت آصف علی زرداری سے وزیراعظم شہباز شریف نے ایوانِ صدر میں ملاقات کی۔

صدر آصف علی زرداری اور وزیراعظم شہبازشریف نے ملاقات میں پی ٹی آئی سے مذاکرات کا فیصلہ کیا ۔ جس کیلئے کمیٹی تشکیل دیدی۔

ملاقات میں فیصلہ کیا گیا کہ حکومت اور پیپلزپارٹی کا مشترکہ وفد کل پی ٹی آئی قیادت سے ملاقات کرے گا۔

مزید یہ بھی پڑھیں:آزادکشمیر بیوروکریسی میں اکھاڑ پچھاڑ، 7 اعلیٰ افسران تبدیل، نوٹیفکیشن جاری

وفد موجودہ سیاسی صورتحال پر تحریک انصاف کی قیادت سے مذاکرات کرے گا۔

تفصیلات کے مطابق صدر اور وزیراعظم کے درمیان ملاقات میں محسن نقوی،راناثناالّلہ، امیر مقام،شیری رحمٰن،نوید قمر اور اعجاز جکھرانی کو پی ٹی آئی سے ملاقات کیلئے رضامندی کا اظہار کیا گیا۔

دونوں سربراہان کے درمیان ملاقات میں ملک کی مجموعی سیاسی اور سیکیورٹی صورتحال پر تبادلہ خیال کیا گیا۔

مزید یہ بھی پڑھیں:افسران عدالتی امور میں بروقت رسپانس یقینی بنائیں،جج ادریس بھٹی کی ہدایات جاری

ملاقات میں نائب وزیراعظم و وزیرخارجہ اسحاق ڈار،وزیر داخلہ محسن نقوی ، وزیر قانون اعظم نذیر تارڑ،مشیر سیاسی امور راناثنااللّہ،اٹارنی جنرل منصور عثمان اعوان ، سینیٹرشیری رحمٰن،سلیم مانڈوی والا،شرجیل انعام میمن اور ناصرحسین شاہ بھی شریک ہوئے۔

اجلاس میں خیبرپختونخوا کی سیکیورٹی کی صورتحال پر تشویش کا اظہارکیا گیا۔ صدرمملکت آصف علی زرداری اور وزیراعظم شہباز شریف نے ملکی سلامتی صورتحال کا جائزہ لیا۔

دونوں سربراہان نے دہشتگردی کیخلاف قومی عزم مزید مضبوط بنانے اور متعلقہ اداروں کے درمیان مؤثر تعاون کی ضرورت پر زور دیا ۔

Must Read