ایبٹ آباد (کشمیر ڈیجیٹل) ایبٹ آباد میں طوفانی بارشوں نے تباہی مچا دی، 3بچیاں برساتی ندی میں بہہ گئیں، 2 کی لاشیں مل گئیں۔
ایبٹ آباد میں شدید طوفانی بارشوں نے وسیع پیمانے پر تباہ کاریوں کے باعث ندی نالوں میں طغیانی آ گئی جب کہ شہر کی اہم شاہراہیں زیرِ آب آ گئیں۔
افسوسناک واقعے میں سکول سے واپسی کے دوران چہلہ برساتی ندی عبور کرتے ہوئے تین بچیاں پانی کے تیز بہاؤ میں بہہ گئیں جن میں سے دو کی لاشیں نکال لی گئی ہیں
مزید یہ بھی پڑھیں:امریکی سینٹرل کمانڈ کا مشرق وسطیٰ میں زمینی فوج اتارنے پر غور
پانی کے ریلے میں بہہ جانیوالی ایک بچی کی تلاش جاری ہے۔شدید بارش کے باعث شاہراہِ ریشم سمیت ایبٹ آباد کی بیشتر مرکزی سڑکیں ندی نالوں کا منظر پیش کرنے لگیں۔
بلال ٹاؤن، حسن ٹاؤن، نیازی کالونی اور ایوب روڈ سمیت کئی رہائشی علاقوں میں گھروں میں پانی داخل ہو گیا جس سے شہریوں کا قیمتی سامان اور گاڑیاں متاثر ہوئیں۔
ادھر بیرن گلی میں شدید بارش کے باعث ایک سکول کی عمارت منہدم ہو گئی جبکہ بالائی علاقوں میں لینڈ سلائیڈنگ کے باعث متعدد سڑکیں بند ہونے سے کئی علاقوں کا شہر سے زمینی رابطہ منقطع ہو گیا۔
مزید یہ بھی پڑھیں:حویلی، عباسپورمیں الیکشن کی تیاریاں مکمل، سدھنوتی میں زیرغور، چیف الیکشن کمشنر
طوفانی بارش کے باعث دیہی علاقوں میں بجلی کے پول گرنے سے بجلی کی فراہمی بھی مکمل طور پر معطل ہو گئی ۔ضلعی انتظامیہ اور کمشنر ہزارہ نے شہریوں سے اپیل کی ہے کہ خراب موسمی صورتِ حال کے دوران غیر ضروری سفر سے گریز کریں۔
انہوں نے کہا کہ شہری دوران بارش ندی نالوں اور برساتی پانی کے قریب جانے سے احتراز کریں اور حفاظتی ہدایات پر عمل کریں۔
