فیفا ورلڈکپ 2026 میں پرتگال اور کانگو کے درمیان میچ 1-1گول سے برابر ہوگیا۔
ہیوسٹن میں فیفا ورلڈکپ 2026 کے گروپ K کے میچ میں پرتگال کو چھٹے منٹ میں ژاؤ ناویس نے برتری دلائی لیکن پہلا ہاف ختم ہونے سے قبل کانگو کے یان ویسا نے مقابلہ برابر کر دیا۔
یہ بھی پڑھیں: فیفا ورلڈکپ ،تیونس نے پہلے میچ میں شکست پرکوچ کو برطرف کردیا
دوسرے ہاف میں پرتگال کے کینسلو کا گول آف سائیڈ قرار دیا گیا۔
پہلے ہاف میں پرتگال نے میچ کا شاندار آغاز کیا اور چھٹے منٹ میں ژاؤ ناویس کے خوبصورت ہیڈر کے ذریعے برتری حاصل کر لی۔
ابتدائی مرحلے میں پرتگال نے زیادہ گیند اپنے قبضے میں رکھی اور ڈی آر کانگو کو دفاعی پوزیشن پر دھکیل دیا۔
اس کے باوجود ڈی آر کانگو نے دفاعی طور پر منظم رہتے ہوئے مزاحمت جاری رکھی، اگرچہ انہیں پہلے ہاف میں واضح گول کے مواقع پیدا کرنے میں مشکل پیش آئی۔
پرتگال پہلے ہاف کے وقفے سے پہلے دوسرے گول کی تلاش میں رہا، جس میں کرسٹیانو رونالڈو اور برونو فرنینڈس بھی نمایاں رہے، تاہم ڈی آر کانگو نے دباؤ برداشت کر لیا۔
پہلے ہاف کے اضافی وقت میں کانگو کے یان ویسا نے شاندار موقع سے فائدہ اٹھاتے ہوئے اسکور 1-1 کر دیا۔
دوسرے ہاف کے آغاز میں دونوں ٹیمیں برتری حاصل کرنے میں ناکام رہیں، اگرچہ دونوں جانب سے مواقع پیدا کیے گئے لیکن کوئی بھی ٹیم فیصلہ کن گول نہ کر سکی۔
یہ بھی پڑھیں:فیفا ورلڈ کپ 2026: ایران اور نیوزی لینڈ کا سنسنی خیز مقابلہ، دو دو گول سے میچ ڈرا
میچ کے آخری لمحات میں بھی دفاعی کھیل غالب رہا اور دونوں ٹیموں نے ایک دوسرے کو مزید گول کرنے سے روکے رکھا۔
ڈی آر کانگو کی دفاعی لائن نے آخری منٹوں میں شاندار مزاحمت دکھاتے ہوئے پرتگال کے مسلسل حملے ناکام بنا دئیے۔یوں مقررہ وقت تک میچ ایک ایک گول سے برابر رہا۔
