بھارتیہ جنتا پارٹی کے ممبر پارلیمنٹ منوج تیواڑی کےاس مضحکہ خیز بیان نے کہ اگر ہم بھارتی ایک روپے کا استعمال بند کر دیں اور2 روپے کو1 سمجھنا شروع کر دیں تو ڈالر خود بخود45تک گر جائے گا۔
بھارتیہ جنتا پارٹی کے ممبر پارلیمنٹ کے بیان نے نئی بحث چھیڑ دی، سوشل میڈیا پر میمز بن گئیں، بھارتی صارفین کی جانب سے سوشل میڈیا پر شدید تنقیدکا سامناہے۔
تفصیلات کے مطابق بھارتیہ جنتا پارٹی (بی جے پی) کے ممبر پارلیمنٹ منوج تیواری نے امریکی ڈالر کے مقابلے میں ہندوستانی روپے کی قدر کے بارے میں غیر حقیقی تبصرہ کرنے کے بعد بحث چھیڑ دی۔
مزید یہ بھی پڑھیں:محکمہ جنگلات کو اربوں روپے کا نقصان، نیلامی ناکام بنانے والے خفیہ ہاتھ کام دکھا گئے
بین الاقوامی اقتصادی منظر نامے سے بظاہر بے خبر، منوج تیواری نے دلیل دی کہ زیادہ تر ہندوستانی شہری اپنے روزمرہ کے اخراجات کیلئے روپیہ استعمال کرتے ہیں۔
اس لیے ڈالر کے بڑھنے یا گرنے سے عام لوگوں پر براہ راست اثر نہیں پڑتا۔انہوں نے کہا کہ چونکہ زیادہ تر لوگ اپنے روزمرہ کا لین دین ہندوستانی کرنسی میں کرتے ہیں اس لیے ڈالر کی قدر میں اضافہ فوری طور پر ان پر اثر انداز نہیں ہوتا ۔
ناقدین نے نشاندہی کی کہ ڈالر کی مضبوطی ہندوستان کے معاشی ماحول کی تشکیل میں اہم کردار ادا کرتی ہے۔انہوں نے اس بات پر زور دیا کہ ڈالر کی قدر درآمدات، بین الاقوامی تجارت، ٹیکنالوجی، ایندھن کی قیمتوں، اور مجموعی افراط زر کو متاثر کرتی ہے۔
وہ عوامل جو بالآخر ہر ایک کے لیے روز مرہ کی زندگی کے اخراجات کو متاثر کرتے ہیں۔اس کے برعکس، لوگوں نے اس کے غیر منطقی تبصروں پر بڑے پیمانے پر اس کا مذاق اڑایا۔ لوگوں نے لکھا کہ ہندوستان کو اس طرح کے حقیقی طور پر شاندار دماغ رکھنے پر مبارکباد پیش کرتے ہیں
منوج تواڑی کا تبصرہ تیزی سے وائرل ہو گیا جس کے نتیجے میں آن لائن میمز، تنقید اور شدید بحثیں شروع ہو گئیں۔ جب کہ کچھ لوگوں نے اس بیان کے پیچھے منطق کی تشریح کرنے کی کوشش کی، بہت سے دوسرے نے اس کے پیچھے معاشی استدلال پر سوال اٹھادیا گیا۔
