حکومت آزاد کشمیر نے محکمہ پولیس کے تین ملازمین کو ان کی خدمات کے اعتراف میں “صدارتی پولیس ایوارڈ” اور فی کس 3 لاکھ روپے نقد انعام دینے کی باقاعدہ منظوری دے دی ہے۔
حکومتی منظوری اور نوٹیفکیشن:
محکمہ سروسز کی جانب سے جاری کردہ نوٹیفکیشن کے مطابق، حکومت آزاد کشمیر نے یہ فیصلہ عدالت العالیہ کے حکم کی تعمیل میں کیا ہے۔ اس منظوری کے تحت منتخب پولیس افسران اور اہلکاروں کو صدارتی پولیس میڈلز کے ساتھ ساتھ تین، تین لاکھ روپے بطور کیش انعام دیے جائیں گے۔
یہ بھی پڑھیں: نورین عارف پر بزرگ خاتون کے سنگین الزامات پر ہلچل، پولیس،خان ہائوس کا ردعمل آگیا
اعزاز حاصل کرنے والے اہلکار:
نوٹیفکیشن میں واضح کیا گیا ہے کہ صدارتی پولیس میڈلز اور نقد رقم حاصل کرنے والوں میں تھانہ سول سیکرٹریٹ مظفرآباد کے ایس ایچ او (SHO) جاوید احمد گوہر، سب انسپکٹر (ریٹائرڈ) راجہ سجاد علی اور تھانہ سٹی مظفرآباد کے کانسٹیبل اشتیاق احمد لون شامل ہیں۔ ان تینوں ملازمین کے حق میں واجبات اور اعزازات کی ادائیگی کی منظوری دے دی گئی ہے۔
