پرتھ اسکارچرز نے بگ بیش لیگ (بی بی ایل) سیزن 15 کے فائنل میں شاندار پرفارمنس کا مظاہرہ کرتے ہوئے سڈنی سکسرز کو 6 وکٹوں سے شکست دے کر اپنی چھٹی چیمپئن شپ اپنے نام کر لی ۔
پرتھ میں کھیلے گئے میچ میں سڈنی سکسرز نے پہلے بیٹنگ کرتے ہوئے 132 رنز بنائے۔ اس دوران اسمتھ، ہینرکس اور فلپ نے 24، 24 رنز بنا کر ٹیم کی بیٹنگ کو سہارا دیا جبکہ جوئل 19 اور شاہ 14 رنز کے ساتھ نمایاں ہوئے ۔ باقی چھ بیٹرز ڈبل فگر تک بھی نہیں پہنچ سکے، جس کی وجہ سے سکسرز کا مجموعہ محدود رہا ۔
مزید یہ بھی پڑھیں:پاکستان ٹی 20 ورلڈ کپ کھیلے گا یا نہیں؟ حتمی فیصلہ کل متوقع
پرتھ اسکارچرز کے بولرز نے بہترین کارکردگی دکھائی۔ رچرڈسن اور ڈیوڈ نے تین، تین وکٹیں حاصل کیں، برڈمین نے دو وکٹیں جبکہ ہارڈی نے ایک وکٹ اپنے نام کی۔ ان کی مضبوط بولنگ کی بدولت سکسرز کا مجموعہ قابو میں رہا اور جواب میں بیٹنگ کے لیے پرتھ کے کھلاڑیوں کو مضبوط بنیاد ملی ۔
جواب میں بیٹنگ کرتے ہوئے پرتھ اسکارچرز نے 15 گیندیں قبل مطلوبہ ہدف حاصل کر کے فتح یقینی بنائی۔ مچل مارش نے سب سے زیادہ 44 رنز بنائے اور ٹیم کو مستحکم آغاز فراہم کیا۔ فن ایلن نے 36 رنز بنا کر پرفارمنس کو آگے بڑھایا، جبکہ جوش انگلس 29 ناٹ آؤٹ رہے اور ٹیم کو فتح دلوائی۔ سکسرز کی بیٹنگ لائن نے مسلسل شراکتیں قائم کیں اور دباؤ میں بھی میچ جیتنے میں کامیاب رہی ۔
مزید یہ بھی پڑھیں:شاہد آفریدی اور محمد یوسف کی آئی سی سی پالیسیوں پر شدید تنقید
سڈنی سکسرز کی جانب سے ایبٹ نے دو وکٹیں حاصل کیں جبکہ اسٹارک اور ایڈورڈ نے ایک ایک وکٹ لی۔ پرتھ اسکارچرز کی یہ فتح ان کی تاریخ میں چھٹی بی بی ایل ٹائٹل ہے، جو ٹیم کی مستقل کارکردگی اور مضبوط بیٹنگ و بولنگ کی وجہ سے ممکن ہوئی۔ یہ جیت نہ صرف ٹیم کے مداحوں کے لیے خوشی کا باعث بنی بلکہ بی بی ایل کے فائنل کی ایک شاندار یادگار بھی رہی ۔
