مشیرِ وزیراعظم برائے سیاسی امور رانا ثنااللہ خان اور وفاقی وزیر برائے امورِ کشمیر، گلگت بلتستان و سیفران انجینئر امیر مقام کی زیرِ صدارت مسلم لیگ (ن) کی پولیٹیکل کمیٹی کا اجلاس منعقد ہوا۔
اجلاس میں مسلم لیگ (ن) آزاد جموں و کشمیر کے صدر اور اپوزیشن لیڈر شاہ غلام قادر، سابق وزیراعظم راجہ فاروق حیدر خان، جنرل سیکرٹری چوہدری طارق فاروق، مرکزی نائب صدر ڈاکٹر نجیب نقی، سینئر نائب صدر مشتاق منہاس، سیکرٹری اطلاعات بیرسٹر افتخار گیلانی سمیت دیگر رہنماؤں نے شرکت کی۔
مزید یہ بھی پڑھیں:تھائی لینڈ اور کمبوڈیا کے درمیان دوبارہ جھڑپیں شروع،تھائی فوجی ہلاک، 7زخمی
وفاقی وزیر انجینئر امیر مقام نے کہا کہ آزادکشمیر کی ترقی اور وہاں کے عوام کو سہولیات فراہم کرنا مسلم لیگ (ن) کے منشور کا حصہ ہے۔مسلم لیگ ن آزادکشمیر کی قیادت پارٹی کو منظم اور متحرک کرنے کے لیے بھرپور کردار ادا کرے، اس سلسلے میں پاکستان مسلم لیگ (ن) کی قیادت مکمل تعاون فراہم کرے گی۔
مزید یہ بھی پڑھیں:سماہنی : سیاسی جوڑ توڑ ،سابق امیدوار اسمبلی چوہدری محمد رزاق کی ن لیگ میں شمولیت کا امکان
انہوں نے کہا کہ قائد پاکستان مسلم لیگ ن محمد نواز شریف کی ولولہ انگیز قیادت میں مسلم لیگ ن آزادکشمیر کے آیندہ انتخابات میں کامیابی حاصل کرے گی کیونکہ یہی وہ جماعت ہے جو لوگوں کے مسائل حل کرنے کی بھرپور صلاحیت رکھتی ہے ۔انہوں نے کہا کہ وزیراعظم پاکستان محمد شہباز شریف آزادکشمیر کی ترقی میں خصوصی دلچسپی رکھتے ہیں ۔
مزید یہ بھی پڑھیں:ای سی سی اجلاس، پٹرولیم قیمتیں فی لیٹر 2 روپے 40 پیسے اضافے کا امکان
وفاقی وزیر انجینئر امیر مقام نے کہا کہ وفاقی حکومت آزاد جموں و کشمیر میں تعمیر و ترقی کے عمل کو تیز کرنے کے لیے ہر ممکن تعاون جاری رکھے گی۔
