مظفرآباد(کشمیر ڈیجیٹل)سردار جاوید ایوب سابق سیکرٹری آزاد حکومت (راولاکوٹ) کو کمشنر IRD وفاقی محتسب آزادکشمیر تعینات کر دیا گیا ہے
شہری وفاقی اداروں BISP، نادرا، پاسپورٹ، پاکستان پوسٹ، بیت المال وغیرہ کی شکایات ریجنل آفس مظفرآباد میں بغیر کسی فیس یا وکیل کے جمع کروا سکتے ہیں اور ہر شکایت کا فیصلہ 60 دن کے اندر کیا جاتا ہے۔
کچھ عرصہ قبل تعینات ہونے والے کمشنر(IRD) BS-21 وفاقی محتسب سیکرٹریٹ گلگت بلتستان سردار جاوید ایوب کو تبدیل کرکے کمشنر(آئی آر ڈی) وفاقی محتسب آزادکشمیر تعینات کر دیا گیا۔
سردار جاوید ایوب آزاد حکومت سے سیکرٹری ریٹائرڈ ہیں۔ موصوف کا شمار آزادکشمیر اور وفاق کے قابل ترین بیوروکریٹس میں ہوتا ہے۔ تعلق راولاکوٹ آزادکشمیر سے ہے۔ موصوف کی آزادکشمیر وفاقی محتسب میں تعیناتی انتہائی خوش آئند ہے۔
وفاقی محتسب آزاد کشمیر میں کوئی بھی شہری اپنی درخواست بنام کمشنر(IRD) برائے وفاقی محتسب ریجنل آفس مظفرآباد آزادکشمیر کو وفاقی حکومت کے اداروں جیسے بے نظیر انکم سپورٹس پروگرام، پاکستان پوسٹ آفس، نادرا آفس، پاکستان بیت المال، پاسپورٹ آفس، علامہ اقبال اوپن یونیورسٹی، اسٹیٹ لائف انشورنس کارپوریشن، پی ٹی اے، موبائل کمپنیوں کی سروس کی بہتری کے لیے اور دیگر وفاقی اداروں کی بدانتظامی کے خلاف شکایات درج کروا سکتا ہے۔
شکایات درج کرنے کا طریقہ انتہائی سادہ اور آسان ہے ۔شکایت وفاقی محتسب آن لائن ایپ، وفاقی محتسب ویب سائیٹ اور Email:.wmsromzd@gmail.com ،05822,940241جبکہ موبائل نمبر 03115034364 پر کروائی جا سکتی ہے۔ مزید برآں درخواست سادہ کاغذ پر بھی دی جا سکتی ہے۔
جس کیلئے ایڈریس بلاک نمبر05 سکینڈ فلور نیو سول سیکرٹریٹ مظفرآباد آزادکشمیر ہے۔ وقافی محتسب میں کوئی فیس نہ ہے اور نہ ہی کسی وکیل کی ضرورت ہے۔ وفاقی محتسب میں ہر شکایت کا فیصلہ 60 دن کے اندر کر دیا جاتا ہے۔
مزید یہ بھی پڑھیں:عوامی ایکشن کمیٹی کہہ دے کہ بجلی تین روپے یونٹ انھوں نے کروائی تو سیاست چھوڑ دوں گا،راجہ فاروق حیدر
