مظفرآباد(کشمیر ڈیجیٹل) صدر آزاد جموں و کشمیر نے انتظامی مفاد کے پیش نظر بیوروکریسی میں تقرر وتبادلوں کے احکامات جاری کردیئے ۔
صدر آزادکشمیر کے احکامات کی روشنی میں وقاص احمد ضیاء ڈپٹی سیکرٹری محکمہ سیاحت و آثار قدیمہ کو تبدیل کر کے ڈپٹی سیکرٹری محکمہ منصوبہ بندی و ترقیات ، بخلاف خالی آسامی تعینات کردیا گیا
ڈپٹی سیکرٹری محکمہ ایلیمنٹری اینڈ سیکنڈری ایجوکیشن ہمایوں خان کو تبدیل کر کے ڈپٹی سیکرٹری محکمہ مالیات ، تعینات کردیا گیا ہے
صدارتی نوٹیفکیشن کے مطابق ڈپٹی سیکرٹری محکمہ صحت عامہ محمد سلیم کو تبدیل کر کے ڈپٹی سیکرٹری ایلیمنٹری اینڈ سیکنڈری ایجوکیشن تعینات کردیا گیا ہے
ڈپٹی سیکرٹری محکمہ مالیات محمد رشید کو تبدیل کر کے ڈپٹی سیکرٹری محکمہ صحت عامہ تعینات کردیا گیا ہے۔ بیوروکریسی میں تقرر وتبادلوں کا نوٹیفکیشن جاری کردیا گیا ہے۔
مزید یہ بھی پڑھیں:گلگت بلتستان :گلیشیائی جھیل پھٹنے سے تباہی، شاہراہ قراقرم متاثر،درجنوں گھر خطرے سے دوچار
