اسلام آباد:وزارت اطلاعات و نشریات نے پاک افغان سرحد پر جنوبی وزیرستان کے سرحدی علاقے انگور اڈہ کے مقام پر فائرنگ کے واقعے سے متعلق افغان طالبان کے بیان کو جھوٹا اور من گھڑت قرار دیتے ہوئے مسترد کردیا ہے۔
وزارت اطلاعات و نشریات کی جانب سے جاری فیکٹ چیک میں کہا گیا ہے کہ انگور اڈہ سرحدی واقعے پر افغان طالبان کی جھوٹے بیانیے کی تازہ کوشش ایک بار پھر ان کے فریب پر مبنی طرزِ عمل کی عکاسی کرتی ہے۔
یہ بھی پڑھیں:پی ٹی آئی طالبان اور افغانستان کی تابعداری اور حمایت کرنا چاہتی تھی،پرویز خٹک
وزارت اطلاعات کا کہنا ہے کہ افغان طالبان فورسز نے پاکستانی حدود میں غیر مسلح شہریوں پر بلااشتعال فائرنگ کی اور مارٹر گولے برسائے۔
وزارت اطلاعات کے مطابق طالبان رجیم کی یہ بلااشتعال فائرنگ اس کے سرپرست بھارت کی ہدایات اور اس کے پراکسی عناصر کے طے کردہ طریقہ کار کا تسلسل ہے۔
وزارت اطلاعات کے فیکٹ چیک میں کہا گیا ہے کہ پاکستان کی سکیورٹی فورسز نے سرحدی فائرنگ کا فوری اور بھرپور جواب دیتے ہوئے افغان طالبان فورسز کی 7 پوسٹیں تباہ کر دیں، جس کے نتیجے میں افغان طالبان کو بھاری جانی و مادی نقصان کا بھی سامنا کرنا پڑا۔
𝐅𝐚𝐜𝐭 𝐂𝐡𝐞𝐜𝐤 | 𝐌𝐢𝐧𝐢𝐬𝐭𝐫𝐲 𝐨𝐟 𝐈𝐧𝐟𝐨𝐫𝐦𝐚𝐭𝐢𝐨𝐧 & 𝐁𝐫𝐨𝐚𝐝𝐜𝐚𝐬𝐭𝐢𝐧𝐠
◼️ Afghan Taliban regime’s latest fabrication of lies on Angoor Adda border incident again confirms their deceitful character. Fact of the matter is that their cowardly forces initiated unprovoked fire and mortar shelling on unarmed civilians on Pakistani side, following pattern and instructions of their proxy masters India.
◼️ Immediate, effective and disproportionate response by our brave and proud security forces not only silenced their guns but inflicted heavy casualties to their men in addition to material losses including destruction of seven posts.
◼️ Such lies of Taliban regime so called official spokespersons carry no value and are part of a litany of fabricated stories that they keep on telling, mostly to their own people suffering under their imposed and non representative regime.
𝐓𝐫𝐮𝐭𝐡 𝐏𝐫𝐞𝐯𝐚𝐢𝐥𝐬 𝐎𝐯𝐞𝐫 𝐅𝐚𝐥𝐬𝐞𝐡𝐨𝐨𝐝
— Fact Checker MoIB (@FactCheckerMoIB) October 28, 2026
وزارت اطلاعات و نشریات نے کہا کہ طالبان رجیم کے نام نہاد سرکاری ترجمانوں کے ایسے جھوٹے اور بے وقعت بیانات کا حقیقت سے کوئی تعلق نہیں، غیر نمائندہ طالبان رجیم اپنے عوام کو گمراہ کرنے کے لیے جھوٹ کا سہارا لے رہی ہے۔
واضح رہے کہ گزشتہ روز 27 اکتوبر کو جنوبی وزیرستان کے سرحدی علاقے انگور اڈہ میں افغان طالبان کی جانب سے بلااشتعال فائرنگ اور گولہ باری کا واقعہ پیش آیا تھا۔
یہ بھی پڑھیں:مراد سعید افغانستان میں بیٹھ کر پختونخوا حکومت کو کنٹرول کر رہے تھے، رانا ثنااللہ
سکیورٹی ذرائع کا کہنا تھا کہ افغان طالبان کی جانب سے فائر کیا گیا ایک مارٹر گولہ شہری آبادی میں واقع ایک گھر پر گرا، جس کے نتیجے میں ایک شہری جاں بحق اور ایک ہی خاندان کے پانچ افراد زخمی ہوگئے جب کہ واقعے کے بعد مقامی آبادی میں تشویش پائی گئی۔
سکیورٹی ذرائع نے بتایا تھا کہ پاکستانی فورسز نے فائرنگ کا فوری جواب دیا اور جوابی کارروائی کے دوران افغان طالبان کی متعدد چیک پوسٹوں کو نشانہ بنایا۔
