مظفر آباد: آزاد جموں و کشمیر الیکشن کمیشن نے مہاجرین مقیم پاکستان کے انتخابی حلقے ایل اے جموں 36 کے غیر حتمی و غیر سرکاری نتائج کا باضابطہ اعلان کر دیا ہے۔
مظفر آباد میں اہم پریس کانفرنس کرتے ہوئے ممبر الیکشن کمیشن سید نذیر الحسن گیلانی نے تصدیق کی ہے کہ پاکستان پیپلز پارٹی (پی پی پی) کے نامزد امیدوار احسن رضا نے 10,248 ووٹ حاصل کر کے اس نشست پر شاندار کامیابی حاصل کر لی ہے۔
یہ بھی پڑھیں: ممبر الیکشن کمیشن سید نذیر الحسن گیلانی نے ایل اے 38 جموں 5 اور ایل اے 39 جموں 6 کے حتمی نتائج کا اعلان کر دیا
انتخابی نتائج اور ووٹوں کی تفصیلی صورتحال:
ممبر الیکشن کمیشن کی جانب سے جاری کردہ نتائج کے مطابق پاکستان پیپلز پارٹی کے امیدوار احسن رضا نے 10,248 (دس ہزار دو اڑتالیس) ووٹ لے کر میدان مار لیا۔
ان کے مدمقابل امیدوار احسن اسماعیل نے 7,040 (سات ہزار چالیس) ووٹ حاصل کیے، یوں پیپلز پارٹی کے احسن رضا نے 3,208 ووٹوں کے واضح فرق سے فتح اپنے نام کی اور کامیابی حاصل کی۔
