مظفرآباد (کشمیر ڈیجیٹل): آزاد جموں و کشمیر میں عام انتخابات 2026 کے سلسے میں سرکاری ملازمین اور الیکشن ڈیوٹی پر مامور عملے کے لیے پہلے مرحلے کی پولنگ کا عمل کامیابی اور پرامن ماحول میں مکمل ہو گیا ہے۔
ذرائع کے مطابق یہ پولنگ 20 جولائی کو صبح 8:00 بجے سے شام 5:00 بجے تک بغیر کسی تعطلی کے جاری رہی، جس میں ہزاروں سرکاری ملازمین نے اپنا حقِ رائے دہی استعمال کیا۔
یہ بھی پڑھیں: الیکشن بروقت ، سکیورٹی انتظامات مکمل کرلئے ، چیف الیکشن کمشنرجسٹس ر غلام مصطفیٰ مغل
ڈویژن سطح پر پولنگ اور کاسٹ کیے گئے ووٹوں کی تفصیلات:
موصولہ تفصیلات کے مطابق مختلف ڈویژنوں اور اضلاع میں کاسٹ کیے گئے ووٹوں کے اعداد و شمار درج ذیل ہیں:
- روادت / راولپنڈی ڈویژن: (ضلع راولاکوٹ اور ضلع سدھنوتی کے علاوہ) 2 اضلاع کے 4 قانون ساز اسمبلی (LAs) کے حلقوں میں مجموعی طور پر 4,278 ووٹ کاسٹ کیے گئے۔
- میرپور ڈویژن: 3 اضلاع پر مشتمل 13 قانون ساز اسمبلی (LAs) کے حلقوں میں کل 12,041 ووٹ ڈالے گئے۔
- مظفرآباد ڈویژن: 3 اضلاع کے 9 قانون ساز اسمبلی (LAs) کے حلقوں میں مجموعی طور پر 7,721 ووٹ کاسٹ ہوئے۔
پرامن اختتام، سیل شدہ بکسوں کی ترسیل اور سیاسی کیمپس:
الیکشن کمیشن کے مطابق پولنگ کا تمام تر عمل مکمل طور پر منظم اور پرامن انداز میں اختتام پذیر ہوا۔ تمام سیل شدہ بیلٹ باکسز اور متعلقہ انتخابی مواد کو قواعد و ضوابط کے تحت بحفاظت متعلقہ ریٹرننگ افسران (ROs) کے حوالے کر دیا گیا ہے۔
مزید پڑھیں: آزاد کشمیر انتخابات: پونچھ ڈویژن کے 7 حلقوں میں پولنگ کے التوا پر آئینی و سیاسی بحران کی صورتحال
ان تمام ووٹوں کی گنتی اور باضابطہ نتائج کا اعلان عام انتخابات کے طے شدہ پولنگ ڈے کے موقع پر ہی کیا جائے گا۔ پولنگ کے موقع پر سیاسی جماعتوں کے کارکنان کی جانب سے مختلف حلقوں میں معلوماتی کیمپس بھی قائم کیے گئے تھے۔
