فیفا فٹ بال ورلڈ کپ میں ایک بڑا اپ سیٹ دیکھنے میں آیا ہے جہاں کینیڈا کی ٹیم نے شاندار اور جارحانہ کھیل پیش کرتے ہوئے قطر کو 0-6 کے بڑے مارجن سے شکست دے دی ۔
کینیڈا نے اس شاندار کامیابی کی بدولت میگا ایونٹ کی تاریخ میں اپنی پہلی جیت درج کروا لی ہے اور 3 قیمتی پوائنٹس بھی اپنے نام کر لیے ہیں ۔
وینکور کے اسٹیڈیم میں کھیلے گئے اس اہم میچ میں کینیڈا کی ٹیم کھیل کے آغاز سے لے کر آخری منٹ تک قطر پر مکمل طور پر حاوی رہی ۔
میچ کے دوران کینیڈین کھلاڑیوں کا کھیل پر اس قدر کنٹرول تھا کہ پورے میچ کے 78 فیصد وقت میں گیند انہی کے پاس رہی، جس کا انہوں نے بھرپور فائدہ اٹھایا ۔
کینیڈا کے فارورڈز نے پہلے ہاف میں ہی قطر کے دفاع کو بے بس کر دیا اور میچ کے پہلے حصے میں ہی 3 خوبصورت گول داغ دیے ۔
مزید یہ بھی پڑھیں:فیفا ورلڈکپ،بوسنیا کو شکست ،سوئٹزر لینڈ نے اگلے راؤنڈ کی راہ ہموار کرلی
کینیڈا کی طرف سے گول کرنے کا سلسلہ میچ کے 16ویں منٹ میں شروع ہوا جب لارین نے گیند کو قطر کے جال میں پہنچایا ۔ اس کے بعد 29ویں منٹ میں جوناتھن ڈیوڈ نے ٹیم کے لیے دوسرا گول کیا ۔
پہلے ہاف کے آخری لمحات (انجری ٹائم) میں جوناتھن ڈیوڈ نے ایک بار پھر گول کر کے کینیڈا کی برتری کو 0-3 کر دیا ۔
میچ کے دوسرے ہاف میں بھی قطر کی ٹیم سنبھل نہ سکی اور کھیل زیادہ تر قطر کے گول پوسٹ کے قریب یعنی ‘ڈی’ ایریا میں ہی کھیلا گیا۔ میچ کے 64ویں منٹ میں سلیبہ نے کینیڈا کی طرف سے چوتھا گول اسکور کیا ۔
ابھی قطری ٹیم اس صدمے سے باہر نہیں آئی تھی کہ 75ویں منٹ میں ان کے اپنے ہی کھلاڑی منائی سے ایک بڑی غلطی ہو گئی اور گیند ان کے اپنے ہی گول پوسٹ میں چلی گئی، یوں کینیڈا کو پانچواں گول تحفے میں مل گیا ۔
میچ کے بالکل آخری منٹ میں جوناتھن ڈیوڈ نے اپنا تیسرا گول کر کے نہ صرف اپنی ہیٹ ٹرک مکمل کی بلکہ کینیڈا کی جیت کو 0-6 سے یقینی بنا دیا ۔
مزید یہ بھی پڑھیں:قومی ویمن ٹیم کی کپتان فاطمہ ثنا نےٹی 20میں نیا ورلڈ ریکارڈ قائم کردیا
یہ ورلڈ کپ کی تاریخ میں کینیڈا کی پہلی فتح ہے جس کے بعد ان کے کل پوائنٹس کی تعداد 4 ہو گئی ہے اور وہ گروپ بی میں سوئٹزرلینڈ سے بہتر گول اوسط کی بنیاد پر پہلے نمبر پر آ گئے ہیں ۔
