نیویارک (کشمیر ڈیجیٹل) ایک مسافر طیارے کو اس وقت شدید اور انوکھی تاخیر کا سامنا کرنا پڑا جب ہزاروں شہد کی مکھیوں نے اچانک طیارے کے پر (ونگ) پر دھاوا بول دیا اور وہاں اپنا ڈیرہ جما لیا۔
ایئرپورٹ پر موجود گراؤنڈ عملے اور مسافروں کے لیے یہ صورتحال انتہائی غیر متوقع تھی۔ مکھیوں کے اس جھنڈ کی وجہ سے پرواز کو وقت پر روانہ کرنا ناممکن ہو گیا، جس نے مسافروں کے صبر کا شدید امتحان لیا۔
مزید یہ بھی پڑھیں:ایران امریکہ کیخلاف جنگ کا فاتح،جلد آبنائے ہرمز کھل جائے گی،عباس عراقچی
عملے نے مکھیوں کو بھگانے کی کئی کوششیں کیں لیکن مکھیاں پر سے ہٹنے کو تیار نہیں ہوئیں۔ٹیک آف کا فیصلہ: طویل انتظار اور تمام کوششوں کی ناکامی کے بعد، آخر کار طیارے کو مکھیوں سمیت ہی رن وے پر دوڑانے اور اڑان بھرنے کا فیصلہ کیا گیا۔
جیسے ہی طیارے نے ٹیک آف کیا، فضا میں بلندی پر پہنچتے ہی جہاز کی تیز رفتاری اور ہوا کے شدید دباؤ نے اپنا کام دکھا دیا۔ہوا کے تیز تھپیڑوں کے سامنے مکھیاں زیادہ دیر نہ ٹک سکیں اور دیکھتے ہی دیکھتے پورا جھنڈ ہوا میں اڑ گیا، جس کے بعد طیارے نے اپنا سفر پرسکون انداز میں مکمل کیا۔
مزید یہ بھی پڑھیں:ریاستی رٹ قائم کرینگے، کالعدم ایکشن کمیٹی اپنی کال آف کرے،پھر بات کی جائے گی ،فیصل ممتاز راٹھور
مسافروں نے مکھیوں کے اس مفت سفر اور ہوا کے ذریعے ان کے خاتمے کی اس انوکھی ویڈیو اور تصاویر کو سوشل میڈیا پر بھی شیئر کی گئی ہے ۔
