’پہنچی وہیں پہ خاک جہاں کا خمیر تھا‘۔ ملک سے باہر بیٹھ کر وطن عزیز پاکستان کے خلاف پروپیگنڈا کرنے والے بھگوڑے یوٹیوبر عادل راجا کا اصل چہرہ سامنے آگیا۔
بھگوڑے عادل راجا نے اسرائیلی اخبار کو پاکستان مخالف انٹرویو دے دیا ہے، جس کے بعد سوشل میڈیا صارفین کی جانب سے یوٹیوبر پر تنقید کے نشتر برسائے جا رہے ہیں۔
مزید یہ بھی پڑھیں:بھگوڑے عادل راجہ نے پاکستان دشمنی کی تمام حدیں پار کر دیں ، افغانستان کے حق میں اتر آیا
سماجی رابطے کی سائٹ ’ایکس‘ پر اپنے بیان میں عادل راجا نے کہاکہ ان کا پہلا انٹرویو اس ہفتے کے اختتام پر اسرائیلی اخبار مشپاخہ (Mishpacha) میں شائع ہوگا۔
عادل راجا نے کہاکہ انہوں نے پہلی مرتبہ اسرائیلی صحافی یوسف حائم کے ساتھ تفصیلی گفتگو کی ۔ان کے بقول یہ ایک پیشہ ورانہ اور کھلا تبادلہ خیال تھا جس میں کسی قسم کی سفارتی مصلحت یا پابندی شامل نہیں تھی۔
عادل راجہ کا کہنا تھا کہ اس گفتگو کے دوران دونوں جانب پائے جانے والے کئی غلط تصورات کو زیرِ بحث لایا گیا اور باہمی تفہیم کو فروغ دینے کی کوشش کی گئی۔
انہوں نے دعویٰ کیا کہ مذکورہ انٹرویو کئی اہم پہلوؤں کو سامنے لائے گا اور قارئین کے لیے دلچسپی کا باعث بنے گا۔
مزید یہ بھی پڑھیں:عادل راجہ جھوٹا قرار،لندن عدالت نےبریگیڈیئر راشد نصیر کے حق میں فیصلہ سنادیا
عادل راجہ کی ٹوئٹ سامنے آنے کے بعد پاکستانی سوشل میڈیا صارفین نے بھگوڑے یوٹیوبر کو آڑے ہاتھوں لے لیا، اور شدید تنقید کی جارہی ہے۔
سوشل میڈیا صارفین کا کہنا ہے کہ بیرون ملک بیٹھ کر پاکستان کے خلاف پروپیگنڈا کرنے والے کا اصل چہرہ سامے آگیا ہے۔
واضح رہے کہ یوٹیوبر عادل راجا تواتر کے ساتھ پاکستان مخالف پروپیگنڈے میں مصروف ہیں، اور باہر بیٹھ کر ریاستی اداروں کے خلاف تنقید کی جاتی ہے۔
This weekend, my first-ever interview drops in the Israeli newspaper Mishpacha.
For the first time, I sat down with Israeli journalist Yosef Haim Salach. No filters. No diplomacy theater. Just a raw, professional exchange that shattered mutual misconceptions and built real…— Adil Raja (@soldierspeaks) June 1, 2026
