مقبوضہ کشمیر: بھارتی فوج کی گاڑی حادثے کا شکار ،افسر سمیت 10 اہلکار ہلاک

تازہ ترین, کشمیر ڈیجیٹل / / By

سرینگر(کشمیر ڈیجیٹل)مقبوضہ جموں و کشمیر کے ضلع ڈوڈہ میں بھارتی فوج کی گاڑی حادثے کا شکار ہوگئی جس میں ایک افسر سمیت 10 اہلکار ہلاک جبکہ 7 زخمی ہو گئے۔

ذرائع کے مطابق بھارتی فوج نے بھی فوجی گاڑی کو “حادثہ” قرار دے دیا ہے۔ تاہم مقامی آبادی نے دعویٰ کیا ہے کہ فوجی گاڑی کو حریت پسندوں کے حملے میں نشانہ بنایا گیا ہے۔

مزید یہ بھی پڑھیں:دستخطی تقریب، صدرٹرمپ کا فیلڈ مارشل کی طرف اشارہ، مسکراہٹ کیساتھ خیر مقدم

بھارتی سرکاری ذرائع کے مطابق یہ حادثہ اس وقت پیش آیا جب بھارتی فوج کے اہلکاروں کو لے جانے والی ایک گاڑی بھدرواہ چمبا بین الصوبائی شاہراہ پر سفر کر رہی تھی۔

مزید یہ بھی پڑھیں:سونے کی قیمت میں کمی، فی تولہ سونا کتنے کا ہو گیا؟

فوجی گاڑی میں مجموعی طور پر 17 اہلکار سوار تھے۔ جو کھنی ٹاپ کے مقام پر ایک بلند اور دشوار گزار پہاڑی علاقے کی جانب جا رہے تھے۔ دوران سفر گاڑی پھسل کر بے قابو ہو گئی اور تقریباً 200 فٹ گہری کھائی میں جا گری۔

مزید یہ بھی پڑھیں:مذاکراتی عمل ہی عوامی مسائل کے حل کا واحد راستہ ہے، وفاقی وزیر امیر مقام

دوسری جانب مقامی باشندوں کا کہنا ہے کہ حادثے سے قبل فوجی گاڑی پر حریت پسندوں کی جانب سے حملہ کیا گیا۔ جس کے نتیجے میں یہ واقعہ پیش آیا۔ تاہم بھارتی فوج کی جانب سے اس مؤقف کی تردید کی جا رہی ہے۔

واقعے کے فوراً بعد بھارتی فوج اور پولیس نے مشترکہ طور پر ریسکیو آپریشن شروع کیا۔ حکام کے مطابق جائے وقوعہ پر پہنچنے پر 10 فوجی اہلکاروں کی ہلاکت کی تصدیق کی گئی۔ جبکہ 7 زخمی اہلکاروں کو فوری طور پر نکال لیا گیا۔

مزید یہ بھی پڑھیں:وزیرِ بحری امور نے انٹرنیشنل فیری سروس کی تفصیلات جاری کر دیں

زخمی ہونے والے فوجیوں میں سے 3 کی حالت تشویشناک بتائی جا رہی ہے۔ جنہیں ایئر لفٹ کے ذریعے اودھم پور کے فوجی اسپتال منتقل کر دیا گیا۔ جہاں انہیں خصوصی طبی امداد فراہم کی جا رہی ہے۔

حکام کا کہنا ہے کہ واقعے کی وجوہات جاننے کے لیے تحقیقات جاری ہیں۔ جبکہ خراب موسم اور دشوار گزار راستوں کو حادثے کی ممکنہ وجہ قرار دیا جا رہا ہے۔ تاہم مقامی افراد کے دعووں کے بعد واقعے کے اصل محرکات پر سوالات بھی اٹھائے جا رہے ہیں۔

Must Read

Scroll to Top