(کشمیر ڈیجیٹل) پاکستان اور جنوبی افریقا کے درمیان آئندہ سیریز کے وینیوز کو حتمی شکل دے دی گئی ہے۔
ذرائع کے مطابق سیریز کے میچز لاہور، راولپنڈی اور فیصل آباد میں کھیلے جائیں گے۔ اس حوالے سے کرکٹ جنوبی افریقا کی ریکی ٹیم بھی ان وینیوز کا معائنہ کر چکی ہے۔
اطلاعات کے مطابق فیصل آباد میں وائٹ بال سیریز کے میچز شیڈول ہوں گے، جہاں 2008 کے بعد پہلی بار انٹرنیشنل میچز کی میزبانی کی جائے گی۔
ادھر جنوبی افریقا کا ٹیسٹ اسکواڈ اکتوبر کے پہلے ہفتے میں لاہور پہنچنے کا امکان ہے۔ ٹیسٹ میچز لاہور اور راولپنڈی میں کھیلے جائیں گے جبکہ دونوں ٹیموں کے درمیان پہلا ٹیسٹ 12 اکتوبر کو لاہور میں شروع ہوگا۔
یہ بھی پڑھیں: ہونڈا سٹی کا نیا Aspire S ماڈل پاکستان میں متعارف
ذرائع نے بتایا ہے کہ پاکستان اور جنوبی افریقا کے درمیان سیریز کے مکمل شیڈول کا باضابطہ اعلان جلد متوقع ہے۔
