اسلام آباد(کشمیر ڈیجیٹل)این ڈی ایم اے نےآزاد کشمیر اور گلگت بلتستان میں ممکنہ بارشوں کے پیش نظر الرٹ جاری کر دیا ۔
این ڈی ایم اے کے مطابق 28 سے 31 جولائی کے دوران شدید بارش متوقع اس دوران کشمیر کےمختلف علاقوں مظفر آباد، وادی نیلم ، باغ اور حویلی جبکہ گلگت، اسکردو، ہنزہ اور شگر میں بھی شدید بارشوں کا امکان ہے
این ڈی ایم اے کے الرٹ کے مطابق بارشوں کے باعث سیلابی صورتحال پید ا ہونے کا خدشہ جبکہ پہاڑی علاقوں میں شدید بارشوں کے پیش نظر لینڈ سلائیڈنگ کی بھی توقع ہے۔۔
وادی چترال، بونی اور ریشن کے علاقوں میں ممکنہ بارش اور گلیشئرز کے پگھلنے کے باعث دریائے چترال کے بہاؤ میں اضافہ ہوسکتا ہے، بارشوں کے پیش نظر مظفرآباد اور باغ کے شہری علاقوں میں سیلابی صورتحال پیش آسکتی ہے۔
این ڈی ایم اے نے تمام متعلقہ اداروں کو ممکنہ صورتحال کے پیش نظر پیشگی اقدامات کی ہدایت جاری کرتے ہوئے ہدایت کی ہے کہ تمام ادارے ہنگامی حالات سے نمٹنے کے لیے اہلکار، مشینری اور ریسکیو ٹیمیں تیار رکھیں۔
مقامی انتظامیہ اور صوبائی ڈیزاسٹر مینجمنٹ اتھارٹیز (پی ڈی ایم ایز) کو ہنگامی صورتحال سے نمٹنے اور بروقت اقدامات کی ہدایت جاری کی گئی ہے۔
مزید پڑھیں:ڈپٹی کمشنر باغ کا مذہبی منافرت پھیلانے والوں کیخلاف سخت ایکشن لینے ، فوری گرفتاری کا حکم
