اسلام آباد : کم پیسوں میں اپنا گھر بنانے کے خواہشمند افراد کیلئے سکیم کی منظوری دے دی گئی ، 20 سے 35 لاکھ کا قرضہ 20 سال کی مدت کیلئے دینے کی تجویز کی گئی ہے۔
تفصیلات کے مطابق وزیرخزانہ محمداورنگزیب کی زیر صدارت گزشتہ روز اقتصادی رابطہ کمیٹی کا اہم اجلاس ہوا، کمیٹی نے سستے گھروں کیلئے سبسڈی اور رسک شیئرنگ اسکیم منظور کرلی اور وزارت ہاؤسنگ کو مربوط ڈیٹابیس بنانے کی ہدایت کی ہے۔
وزارت خزانہ نے بتایا کہ ملک میں لو کاسٹ ہاؤسنگ کو فروغ دیا جائے گا، حکومت 50 لاکھ گھروں کی تعمیر کے لیے سبسڈی فراہم کرے گی، 20 سے 35 لاکھ کا قرضہ 20 سال کی مدت کے لیے دینے کی تجویز کی گئی ہے۔
یہ بھی پڑھیں: آزادکشمیر:مون سون بارشیں، 5 گھرمکمل تباہ، سیلابی الرٹ جاری
اجلاس میں ماحولیاتی پالیسی نے پاکستان کی گرین ٹیکسونومی کی منظوری دے دی، ماحول دوست منصوبوں کیلئے مالی معاونت کی راہ ہموارہوگی۔
کابینہ کی اقتصادی رابطہ کمیٹی نے ویجی ٹیبل گھی کی مقامی سطح پر قیمتوں میں کمی نہ ہونے پر تشویش کا اظہار کرتے ہوئے قیمتوں میں کمی کیلئے مانیٹرنگ سخت کرنےکی ہدایت کردی۔
اجلاس میں شپ بریکنگ کوباقاعدہ صنعت کادرجہ دےدیاگیا ، شپ بریکنگ کیلئے صنعتی شعبے کے بجلی نرخوں کی دوبارہ سے نظرثانی کی ہدایت کردی گئی۔
