کھوئیرٹہ: آزادکشمیر کے ضلع کوٹلی کے کھوئیرٹہ سیکٹراور باغ پر بھارت کی جانب سے سول آبادی پر گولہ باری کی گئی ہے جس میں 40دن کی معصوم بچی اسکی ماں سمیت4افراد شہید اور5خواتین اور2بچے شدید زخمی ہو گئے ہیں۔
تفصیلات کے مطابق کھوئیرٹہ کے گاؤں گوڑہ میں بھارت نے شدید گولہ باری کی جہاں سمرہ آصف زوجہ آصف خورشید اپنی چالیس دن کی بچی سمیت اور راجہ شہپال بلیال میں شہید ہوئے جبکہ5افراد زخمی ہوئے۔
وزیر صحت آزادکشمیر نثار انصر ابدالی کی سوشل میڈیا پوسٹ اور کشمیر ڈیجیٹل کو کی گئی تصدیق کے مطابق زخمی ہونے والوں میں امتیاز بیگم زوجہ خورشید گورسی،افرا خورشید ،طاہرہ خورشید،زبینہ زوجہ صیعب خورشید اور2 معصوم بچے شامل ہیں۔
ادھر ضلع باغ کے گاؤں کوٹیڑی نجم خان میں بھارتی گولہ باری سے 22 سالہ نوجوان اسامہ عشرت شہید ہو گیا جبکہ اسکی دو بہنیں شدید زخمی ہو گئی ہیں۔
باغ پر یس کلب کے صد راکمل عارف نے کشمیر ڈیجیٹل سے گفتگو کرتے ہوئے بتایا کہ اسامہ عشرت کی 10روز قبل شادی ہوئی تھی جو جمعہ کے روز علی الصبح بھارت کی جانب سے کی گئی گولہ باری کا نشانہ بنا۔
جمعرات اور جمعہ کی رات کنٹرول لائن پر شدید گولہ باری کی گئی ہے جس کا پاک فوج نے منہ توڑ جواب دیا ہے اور دشمن کی چوکیوں کو نشانہ بنایا ہے جبکہ بزدل دشمن نے نہتی آبادی کو نشانہ بنا یا۔
یہ بھی پڑھیں : وادی لیپہ: لبگراں گاؤں میں بھارتی فوج کی فائرنگ، رہائشی مکان اور اسکول کی عمارت کو نقصان
