مظفرآباد (کشمیر ڈیجیٹل)آزاد کشمیر میں بھارتی پروپیگنڈا اور خیالی دہشتگردی کے کیمپس کی رپورٹس نشر کرنے پر پاکستان نے بڑا اقدام اٹھا لیا۔ پاکستان نے اس جھوٹ کو بے نقاب کرنےکیلئے بین الاقوامی اور قومی میڈیا وفد کو آزادکشمیر آنے کی دعوت دیدی جس کے بعد صحافیوں کا وفد آزادکشمیر دورے پر پہنچ گیا
میڈیا کو ان علاقوں میں لے جایا گیا جہاں بھارتی میڈیا دہشت گردوں کے کیمپس کا واویلا کررہا ہے۔ سیکیورٹی ذرائع کے مطابق میڈیا نمائندوں کو کل بھی آزاد کشمیر کے مختلف علاقوں کا دورہ کروایا جائے گا۔ ٹائمز آف انڈیا جیسے گودی میڈیا نے بے بنیاد دعوے کیے ہیں، جنہیں زمینی حقائق سے جھٹلایا جائے گا۔
بھارت کی جانب سے ایک بار پھر خطے میں کشیدگی پیدا کرنے کی کوشش ناکام ہو گئی، بھارتی میڈیا نے آزاد کشمیر میں خیالی دہشت گردی کے کیمپس سے متعلق بے بنیاد اور جھوٹ پر مبنی رپورٹس نشر کرنا شروع کر دی ہیں۔ سیکیورٹی ذرائع کے مطابق انڈین میڈیا کی یہ مہم محض پروپیگنڈا اور جھوٹ پر مبنی ہے، جس کا مقصد بین الاقوامی رائے عامہ کو گمراہ کرنا ہے۔
سکیورٹی ذرائع کا کہنا ہے کہ پاکستان ان جھوٹے دعوؤں کو پوری طرح بے نقاب کرے گا، اور اس ضمن میں بین الاقوامی اور قومی میڈیا کو آزاد کشمیر کا دورہ کرا دیا گیا۔ میڈیا کو ان علاقوں میں لے جایا گیا جہاں بھارتی میڈیا دہشت گردوں کے کیمپس کا واویلا کر رہا ہے۔
سیکیورٹی ذرائع کے مطابق میڈیا نمائندوں کو کل بھی آزاد کشمیر کے مختلف علاقوں کا دورہ کروایا جائے گا۔ جہاں بھارتی میڈیا جھوٹے دہشت گرد کیمپوں کا ڈرامہ رچا رہا ہے۔
ذرائع کے مطابق ٹائمز آف انڈیا اور انڈیا ٹوڈے جیسے گودی میڈیا اداروں نے دعویٰ کیا کہ دہشت گرد ایل او سی کے قریب اپنے مبینہ ٹھکانے چھوڑ کر فرار ہو چکے ہیں اور انہیں بھارت میں داخل کرنے کی کوشش کی جا رہی ہے۔
ان رپورٹس میں کیل، دودھنیال، اتمقم، جورا، لیپا، پچھیبان، فارورڈ کہوٹہ، کوٹلی، کھوئی رٹہ، مینڈھر، نکیل، چمن کوٹ اور جان کوٹ جیسے مقامات کے نام جھوٹ کے طور پر شامل کیے گئے۔
پاکستان ان تمام مقامات کا میڈیا نمائندگان کو دورہ کروا کر بھارتی جھوٹ کا پردہ چاک کرے گا۔ سیکیورٹی ذرائع کا مزید کہنا ہے کہ بھارت ان علاقوں کے نام لے کر جارحیت کا نیا بہانہ تراش سکتا ہے، لیکن دنیا کو سچ دکھانے کے لیے پاکستان پرعزم ہے۔
یاد رہے کہ بھارت پہلے بھی پَہلگام جیسے فالس فلیگ آپریشنز کے ذریعے عالمی برادری کو گمراہ کرنے کی کوشش کر چکا ہے، مگر ہمیشہ ہی اُسے شرمندگی کا سامنا کرنا پڑا۔
گیدڑ بھبکیوں سے نہیں ڈرتے ،بھارت کو اس کے گھرمیں گھس کر ماریں گے،وزیراعظم آزادکشمیر
