لندن: برطانوی ایوان بالا یعنی ہاؤس آف لارڈز میں ایک اورپاکستانی پہنچ گیا ہے۔لبرل ڈیموکریٹس کی نامزدگی پر لارڈ بننے والے شفق محمد نے قران پر حلف اٹھایا۔
لارڈ شفق محمد کا نجی ٹی وی کو دیئے گئےانٹرویو میں کہنا تھا کہ باپ دادا مزدور تھے، ہاؤس آف لارڈ تک پہنچنےکا سفر طویل اور محنت سے عبارت ہے۔
شیفیلڈ میں 20 برس کونسل گروپ لیڈر اور یورپی پارلیمنٹ میں بھی خدمات سرانجام دیں، کبھی سوچا بھی نہیں تھا کہ لارڈ بنوں گا۔
لارڈ شفق محمد نے بتایا کہ انہوں نے آزادکشمیر میں جاروان چکسواری کے علاقے میں مٹی سے بنےگھر میں آنکھ کھولی،گھر میں پانی اور بجلی نہیں تھی، والدہ کنویں سے پانی بھر کر لاتی تھیں۔
ان کا کہنا تھا کہ برطانیہ مواقعوں کا ملک ہے، میں اس کی زندہ مثال ہوں، نوجوانوں کیلئے پیغام ہےکہ خواہ ان کا تعلق جہاں سے بھی ہے وہ اپنی محنت سے مقام حاصل کرسکتے ہیں۔
لارڈ شفق نے کہا کہ گرومنگ میں صرف چند لوگ ملوث ہیں جنہوں نے پوری کمیونٹی کو بدنام کیا ہے،کمیونٹی میں موجود گندے انڈوں کا دفاع نہ کیا جائے، ہمارے بزرگ تو خواتین کو دیکھ کر آنکھیں جھکا لیا کرتے تھے۔
انہوں نے کہا کہ میں بطور لارڈ کشمیر اور کمیونٹی کے دیگر مسائل کو حل کرنے کی کوشش کروں گا۔
یاد رہے کہ میرپور سے تعلق رکھنے والے لارڈ قربان بھی میرپور سے تعلق رکھتے ہیں ۔
