عالمی اور مقامی صرافہ بازاروں میں سونے کی قیمتوں میں مسلسل دوسرے روز بھی نمایاں کمی ریکارڈ کی گئی ہے، جس کے باعث سرمایہ کاروں اور خریداروں میں تشویش کی لہر دوڑ گئی ہے۔ محض دو روز کے دوران قیمتوں میں ہونے والی اس بڑی گراوٹ نے مارکیٹ کے رجحان کو تبدیل کر دیا ہے۔
عالمی اور مقامی گولڈ مارکیٹس میں مسلسل دوسرے روز بھی سونے کی قیمتوں میں نمایاں کمی ریکارڈ کی گئی ہے، جس کے بعد سرمایہ کاروں اور خریداروں میں ملا جلا رجحان دیکھا جا رہا ہے۔ آل پاکستان صرافہ ایسوسی ایشن کے مطابق ملک بھر میں 24 قیراط فی تولہ سونا 5500 روپے سستا ہو کر 4 لاکھ 79 ہزار 562 روپے پر آگیا ہے، جبکہ 10 گرام سونے کی بھی قیمت 4715 روپے کمی کے بعد 4 لاکھ 11 ہزار 147 روپے ریکارڈ کی گئی۔
یہ بھی پڑھیں: سونے کی قیمت کا یو ٹرن ! گولڈ مارکیٹ ہل کر رہ گئی
اسی طرح فی تولہ چاندی کی قیمت میں بھی کمی دیکھی گئی ہے، جو 45 روپے کمی کے بعد 7766 روپے پر آگئی ہے۔ دوسری جانب عالمی مارکیٹ میں بھی سونے کی قیمتوں میں کمی کا رجحان جاری ہے، جہاں 55 ڈالر کی کمی کے بعد فی اونس سونا 4572 ڈالر پر ٹریڈ ہو رہا ہے۔ ماہرین کے مطابق عالمی معاشی صورتحال، ڈالر کی مضبوطی اور سرمایہ کاری کے بدلتے رجحانات کے باعث سونے کی قیمتوں میں اتار چڑھاؤ دیکھنے میں آ رہا ہے۔ ماہرین کا کہنا ہے کہ قیمتوں میں مزید کمی یا استحکام کا انحصار آنے والے دنوں میں عالمی مارکیٹ کے رجحان پر ہوگا۔
