آزاد حکومت ریاست جموں و کشمیر نے انتظامی ڈھانچے میں اہم پیشرفت کرتے ہوئے سول سروس کے دو انتہائی سینئر افسران کو گریڈ 21 میں ترقی دینے کی منظوری دے دی ہے۔ اس حوالے سے متعلقہ حکام کی جانب سے باقاعدہ نوٹیفکیشن بھی جاری کر دیا گیا ہے جس کے بعد دونوں افسران کو نئی ذمہ داریاں تفویض کی جائیں گی۔
آزاد حکومت ریاست جموں و کشمیر نے سول سروس کے دو سینئر افسران چوہدری امتیاز احمد اور چوہدری محمد طیب کو گریڈ 21 میں ترقی دے دی ہے، جس کا باقاعدہ نوٹیفکیشن جاری کر دیا گیا ہے۔ ان افسران کی ترقی کا فیصلہ ان کی طویل خدمات اور محکمانہ قواعد و ضوابط کو مدنظر رکھتے ہوئے کیا گیا ہے۔
یہ بھی پڑھیں: آزاد کشمیر الیکشن ،سیاسی جوڑ توڑجاری، ن لیگ نے جے یو آئی کشمیر سے اتحاد کر لیا
سرکاری ذرائع کے مطابق، دونوں افسران پہلے بھی مختلف اہم انتظامی عہدوں پر اپنی خدمات سرانجام دے چکے ہیں اور اب سروس قواعد کے مطابق انہیں گریڈ 21 کے اعلیٰ منصب پر فائز کیا گیا ہے۔ اس اہم ترقی پر مختلف سرکاری و عوامی حلقوں کی جانب سے چوہدری امتیاز احمد اور چوہدری محمد طیب کو مبارکباد دی گئی ہے۔
