اسلام آباد(کشمیر ڈیجیٹل)آج رات سے تاحکم ثانی مارکیٹس بندکئے جانے کی سوشل میڈیا پر بے بنیاد خبر کا معاملہ،ڈپٹی کمشنر اسلام آباد عرفان نواز میمن کا کہنا تھا کہ اسلام آباد کے تمام بس ٹرمینلز معمول کے مطابق کھلے ہیں، فیض آباد سمیت تمام بس ٹرمینلز پر ہر قسم کی ٹرانسپورٹ معمول کے مطابق چل رہی ہے۔
یہ بات قابل ذکر ہے کہ ابھی تک اسلام آباد میں اس ہفتے کے آخر میں ہونے والے امن مذاکرات کے حوالے سے کوئی خبر نہیں ہے۔قبل ازیں، سوشل میڈیا پلیٹ فارم ایکس پر ایک پوسٹ میں، اسلام آباد کے ڈپٹی کمشنر عرفان نواز میمن نے کہا، ”
منزید یہ بھی پڑھیں:عالمی توانائی ایجنسی کے تعاون سے اہم سنگ میل عبور، اٹامک انرجی کینسر ہسپتال لاہور علاقائی تعاون کا مرکز قرار
راولپنڈی کے ڈپٹی کمشنر حسن وقار چیمہ نے بھی ایکس پر کہا، “ضلع راولپنڈی میں تمام پرائیویٹ، پبلک اور گڈز ٹرانسپورٹ مکمل طور پر چلتی ہے اور اس کی اجازت ہے۔ اس سلسلے میں کسی بھی قسم کی پیش رفت کی صورت میں ضلعی انتظامیہ فوری طور پر اپ ڈیٹ کرے گی۔
اسلام آباد ٹریفک پولیس نے بھی واضح کیا کہ وفاقی دارالحکومت میں ٹرانسپورٹ اسٹینڈز کی بندش سے متعلق خبریں بے بنیاد ہیں۔
ٹریفک پولیس کے ایک اہلکار نے بتایا کہ اسلام آباد میں انٹر سٹی ٹرانسپورٹ معمول کے مطابق چل رہی ہے اور کسی کو بند کرنے کا حکم نہیں دیا گیا ہے۔
منزید یہ بھی پڑھیں:سکیورٹی وجوہات: روالپنڈی بارانی یونیورسٹی بند کرنے کا نوٹیفکیشن جاری
انہوں نے کہا کہ بس ٹرمینلز یا انٹر سٹی پبلک ٹرانسپورٹ کی بندش سے متعلق کوئی بھی فیصلہ سرکاری چینلز کے ذریعے عوام کو پیشگی آگاہ کر دیا جائے گا۔
پولیس حکام نے شہریوں پر زور دیا کہ وہ صرف تصدیق شدہ معلومات پر انحصار کریں اور اسلام آباد، راولپنڈی لاک ڈاؤن کے حوالے سے غیر مصدقہ اطلاعات پھیلانے سے گریز کریں۔
منزید یہ بھی پڑھیں:بھارت ایک بار پھر عالمی سطح پر مذاق بن گیا، امریکی صحافی کے ٹوئٹ نے ہلچل مچادی
دوسری جانب سی پی او راولپنڈی سید خالدمحمود ہمدانی کا کہنا ہے کہ دکانوں و مارکیٹس کی بندش کے حوالے سے راولپنڈی پولیس کی جانب سے ایسا کوئی ہدایت نامہ جاری نہیں کیا گیا۔
سی پی او راولپنڈی کا کہنا ہے کہ راولپنڈی میں تمام مارکیٹس اور کاروبار حسب معمول حکومت کی پالیسی کے مطابق رات آٹھ بجے تک کھلے ہیں۔
غیرملکی وفود کی آمدورفت کے حوالے سے راولپنڈی پولیس کے موثر سکیورٹی انتظامات یقینی بنائے جارہے ہیں،شہر بھر کے مختلف علاقوں میں سرچ، سویپ اور کومبنگ آپریشنز کا سلسلہ جاری ہے،
تمام سپروائزری افسران فیلڈ میں سکیورٹی و ٹریفک انتظامات کی سپرویژن کررہے ہیں، فول پروف سکیورٹی کو ہمہ وقت یقینی بنانے کے لیے راولپنڈی پولیس شب و روز تندہی کے ساتھ سرگرم عمل ہے۔
