راولپنڈی (کشمیر ڈیجیٹل)پنجاب کے مختلف شہروں میں چلنے والی میٹرو بسوں کے کرایوں میں 33 فیصد اضافہ کر دیا گیا۔
مزید یہ بھی پڑھیں:پاک فضائیہ کی بڑی کارروائی، ڈرونز حملہ ناکام، 2 ڈرونز مار گرائے
پنجاب ماس ٹرانزٹ اتھارٹی کے مطابق کرایوں میں اضافے کا اطلاق 26 مارچ 2026ء سے ہو گا ۔
تمام بی آر ٹی لائنز بشمول پاکستان میٹرو بس کے کرایوں میں 10 روپے کا اضافہ کردیا گیا ہے۔
دوسری جانب کرایے بڑھنے سے ریڈ میٹرو بس کا راولپنڈی، لاہور، ملتان میں کرایہ 40 روپے کر دیا گیا۔
علاوہ ازیں پنجاب ماس ٹرانزٹ اتھارٹی نے یہ بھی واضح کیا کہ گرین ٹرانسپورٹ کارڈ رکھنے والے 15 روپے رعایت حاصل کرکے صرف 25 روپے میں ٹکٹ حاصل کر سکیں گے۔
مزید یہ بھی پڑھیں:گھی اور کوکنگ آئل کی قیمتوں میں فی کلو 20 روپے اضافہ ریکارڈ
نظرثانی شدہ پالیسی کے تحت گرین لائن، بلیو لائن اور الیکٹرک بسوں کے لیے 100 روپے فی مسافر کا یکساں کرایہ مقرر کیا گیا ہے۔
حکام نے بتایا کہ بڑھتے ہوئے آپریشنل اخراجات، ایندھن کی قیمتوں میں اضافے اور سروس کے معیار کو برقرار رکھنے کی ضرورت کی وجہ سے کرایہ میں اضافہ ناگزیر تھا۔
مزید یہ بھی پڑھیں:چین کا امریکی حملوں میں شہید ایرانی طلباء کے ورثاءکیلئے امدادی پیکیج کا اعلان
عوام نے ملے جلے ردعمل کا اظہار کیا ہے اور کچھ نے اسے معاشی بوجھ قرار دیا ہے جبکہ دوسروں نے اسے بہتر سہولیات کے لیے ضروری قدم کے طور پر دیکھا ہے۔
دوسری جانب حکام نے عوام سے تعاون کی اپیل کی ہے۔
کرایوں میں اضافے سے 90,000 مسافروں پر براہ راست اثر پڑے گا جو اسلام آباد میں روزانہ میٹرو اور الیکٹرک بس سروس استعمال کرتے ہیں۔
پبلک ٹرانسپورٹ سسٹم 17 بڑے راستوں پر محیط ہے اور طلباء، کارکنوں اور کم آمدنی والے رہائشیوں کے لیے نقل و حمل کے بنیادی موڈ کے طور پر کام کرتا ہے۔
