عالمی گولڈ مارکیٹ میں سونے کی بڑی کمی

سونے کی عالمی قیمتوں میں مسلسل دو روز اضافے کے بعد آج ایک بڑی کمی دیکھی گئی، جس کے باعث سرمایہ کار محتاط ہو گئے ہیں۔

عالمی مارکیٹ میں آج فی اونس سونا تقریباً 4,966.97 امریکی ڈالر پر ٹریڈ ہوا، جو گزشتہ روز کے مقابلے میں تقریباً 112.52 امریکی ڈالر کم ہے۔ گزشتہ روز سونے کی قیمت 5,079.49 امریکی ڈالر تھی۔ دن کے دوران سونے کی قیمت زیادہ سے زیادہ 5,079.49 ڈالر اور کم سے کم 4,907.98 ڈالر تک رہی، جس سے عالمی منڈی میں غیر یقینی صورتحال اور اتار چڑھاؤ واضح ہوا۔

یہ بھی پڑھیں: پاکستان میں پہلی بار چینی برانڈ کی جدید الیکٹرک SUV دستیاب!

ماہرین کا کہنا ہے کہ سونے کی قیمت میں یہ کمی عالمی اقتصادی بدلاؤ، ڈالر کی مضبوطی اور سرمایہ کاروں کی طرف سے منافع بک کرنے کے رجحان کی وجہ سے ہوئی ہے۔ انہوں نے مزید کہا کہ عالمی اقتصادی اور سیاسی حالات کے مطابق سونے کی قیمت میں دوبارہ اتار چڑھاؤ متوقع ہے۔

پاکستان کے صرافہ بازاروں میں مقامی سطح پر سونے کی قیمتیں مستحکم یا معمولی اتار چڑھاؤ کے ساتھ برقرار ہیں، تاہم عالمی مارکیٹ کے اثرات سے مقامی سطح پر بھی سرمایہ کار محتاط دکھائی دے رہے ہیں۔