اسلام آباد: مسلم لیگ (ن) آزادکشمیر کے صدر،اپوزیشن لیڈر شاہ غلام قادر نے کہا ہے کہ پیپلز پارٹی کی حکومت نے آزاد کشمیر میں انتقامی کاروائیاں شروع کر دی ہیں، انتقامی اقدامات کا ڈیٹا جمع کر رہے ہیں، جلد ردعمل دیں گے۔
اسلام آباد میں میڈیا سے گفتگو کرتے ہوئے شاہ غلام قادر نے کہا کہ غیر ذمہ دارانہ نعرے بازی نہیں کریں گے، ذمہ دارانہ سیاست کرتے ہیں،اپوزیشن بھرپور اور مثبت کردار ادا کرے گی۔
غیر ضروری محاذ آرائی کے قائل نہیں، ویلیو بیسڈ اپوزیشن کریں گے،وزیراعظم فیصل ممتاز راٹھور سے ملاقات ہوئی ہے،چیف الیکشن کمشنر کیلئے اپوزیشن میں مشاورت جاری ہے۔
انہوں نے کہا کہ اپوزیشن جماعتوں کے ساتھ رابطے بڑھا دئیے گئے،حسن ابراہیم اور سردار عتیق احمد خان سے رابطہ کیا ہے۔
یہ بھی پڑھیں: فیلڈ مارشل نےبھارت اورفیصل راٹھور نے شاہ غلام قادر کی چیخیں نکلوادیں،ارشد نیازی
پی ٹی آئی کے سردار عبدالقیوم خان نیازی اور سابق وزیر اعظم انوار الحق سے بھی ربطہ کر رہا ہوں مگر ابھی تک ہوا نہیں
اگر نام موجود ہوں تو اتحادی جماعتیں اپنا مشورہ دیں۔
وزیراعظم سے دوبارہ رابطہ کیا جائے گا، اتفاق رائے کی کوشش ہے،آزاد کشمیر میں انتخابات وقت پر ہوں گے،میںتو قبل از وقت الیکشن بھی کرانا چاہتا ہوں۔
انہوں نے کہا کہ ن لیگ کی سیاسی کمیٹی کا اہم اجلاس کارکردگی اور الیکشن اسٹریٹجی پر غور کیا گیا،پارٹی کی مستقبل کی حکمت عملی پر تفصیلی مشاورت ہوئی،آزاد کشمیر حکومت کی اب تک کی کارکردگی کا جائزہ لیا گیا۔
انہوں نے کہا کہ ن لیگ میں شامل ہونے کیلئے متعدد سیاسی شخصیات کے رابطے ہیں، سردار میر اکبر اور ثاقب مجید سمیت کئی رہنماؤں نے رابطہ کیا ہے،پارٹی میں شمولیت کے فیصلے مشاورت سے ہوں گے۔
