معروف امریکی جریدے فارن پالیسی (foreign policy)نے پاکستان اور امریکا کے تعلقات کے حوالے سے رپورٹ جاری کی ہے۔
رپورٹ کے مطابق ٹرمپ کے دوسرے دور میں پاکستان نے سب سے مؤثر اور کامیاب سفارتی تعلقات بنائے ہیں۔صدر ٹرمپ کی وزیر اعظم شہباز شریف اور فیلڈ مارشل عاصم منیر کے ساتھ مضبوط ذاتی کیمسٹری بنی ہے، جنہیں انہوں نے کئی بار وائٹ ہاؤس مدعو کیا۔
یہ بھی پڑھیں: امریکی وزیر دفاع پیٹ ہیگستھ پر مستعفی ہونے کا دباؤ، اصل حقیقت کیا ہے ؟
کابل دھماکے کے ماسٹر مائنڈ کی گرفتاری میں مدد سمیت پاکستان نے بروقت تعاون کے ذریعے امریکی صدر کا اعتماد حاصل کیا،پاکستان نے ٹرمپ کے قریبی لابیسٹ، کرپٹو اور منرلز جیسے شعبوں پر سرمایہ کاری کر کے تعلقات کو فائدہ پہنچایا۔
اہم کامیابی کرٹیکل منرلز کے شعبے میں آئی، جس میں ایف ڈبلیو او اور امریکی کمپنی کے درمیان 500 ملین ڈالر کا معاہدہ شامل ہے،کرپٹو تعاون میں اضافہ ہوا، پاکستان کرپٹو کونسل نے ورلڈ لبرٹی فنانشل کے ساتھ شراکت بڑھائی۔
رپورٹ میں مزید کہا گیا ہے کہ ٹرمپ کا بھارت کے ساتھ رویہ سخت ہے، جس کی وجہ ٹیرف، روسی تیل اور حالیہ پاک بھارت کشیدگی ہے۔
یہ بھی پڑھیں: امریکہ کے ورک ویزہ پالیسی میں بڑی تبدیلیاں،دوبارہ جانے پر بھی سخت جانچ پڑتال ہوگی
مئی کی جنگ بندی کا کریڈٹ پاکستان نے کھل کر ٹرمپ کو دیا جبکہ بھارت نے اسے مسترد کیا،گرمجوشی کی وجہ سے امریکی بیانیہ پاکستان کے لیے نرم ہوا ہے۔
پاکستان کی خواہش ہے کہ امریکہ کے ساتھ تعلقات کسی تیسرے ملک کے تناظر میں نہ دیکھے جائیں۔
